மாஞ்செஸ்டர் யுனைடெட் அணியின் நட்சத்திர வீரரான புருனோ பெர்னாண்டஸ் இத்தாலியில் நடைபெற்ற சாம்பியன்ஸ் லீக் போட்டியில் கலந்துகொண்டு விளையாடிய நேரத்தில், இங்கிலாந்தின் செஷயர் பகுதியில் உள்ள அவரது சொகுசு வீடு குறிவைக்கப்பட்டுள்ளது. புதன்கிழமை இரவு நேரத்தில் வீட்டின் பின்பக்கத் தோட்டம் வழியாக நுழைந்த மூன்று முகமூடி அணிந்த நபர்கள் அங்கிருந்த விலைமதிப்பற்ற நகைகள் மற்றும் பல பொருட்களைத் திருடிச் சென்றுள்ளனர். வீட்டின் உரிமையாளர் போட்டியில் பிஸியாக இருந்த சமயத்தில் நடந்த இந்தத் துணிச்சலான கொள்ளைச் சம்பவம் விளையாட்டு வட்டாரத்தில் பெரும் அதிர்ச்சியை ஏற்படுத்தியுள்ளது.
அருகில் வசிக்கும் நபர் ஒருவர் சந்தேகத்திற்கிடமான வகையில் நடமாடிய மூன்று பேரைக் கண்டு உடனடியாகக் காவல்துறையினருக்குத் தகவல் அளித்துள்ளார். தகவலறிந்ததும் விரைந்து வந்த செஷயர் காவல்துறையினர் வீட்டைச் சோதனையிட்டனர். எனினும், அதற்குள் கொள்ளையர்கள் அங்கிருந்து தப்பியோடிவிட்டதாகக் காவல்துறையினர் உறுதிப்படுத்தியுள்ளனர். உயர் ரக பாதுகாப்பு வசதிகள் மற்றும் கண்காணிப்பு கேமராக்கள் உள்ள போதிலும், வீட்டின் பின்பபுற காட்டின் வழியே கொள்ளையர்கள் உள்ளே நுழைந்துள்ளதாக முதற்கட்ட விசாரணைகளில் தெரியவந்துள்ளது.
வெளிநாட்டில் தனது அணிக்காக விளையாடிக்கொண்டிருக்கும் போது சொந்த வீடு உடைக்கப்பட்டுத் திருடப்பட்டிருப்பது தங்களுக்குப் பெரும் மன உளைச்சலை ஏற்படுத்தியுள்ளதாகப் புருனோ பெர்னாண்டஸ் மற்றும் அவரது குடும்பத்தினர் கவலை தெரிவித்துள்ளனர். மாஞ்செஸ்டர் யுனைடெட் நிர்வாகமும் தங்கள் அணியின் கேப்டனுக்குத் தேவையான அனைத்து ஆதரவையும் வழங்குவதாக உறுதியளித்துள்ளது.
இந்தச் சம்பவம் குறித்துத் தீவிர விசாரணை நடத்தி வரும் காவல்துறையினர், அப்பகுதியில் உள்ள சிசிடிவி காட்சிகளை ஆய்வு செய்து குற்றவாளிகளைத் தேடும் பணியில் ஈடுபட்டுள்ளனர்.
புருனோ பெர்னாண்டஸ், மாஞ்செஸ்டர் யுனைடெட், சாம்பியன்ஸ் லீக், வீடு கொள்ளை, இங்கிலாந்து காவல் துறை, Bruno Fernandes, Manchester United, Champions League, house burglary, Cheshire Police
