Posted in

அனிருத்–காவ்யா வரவேற்பில் முதல்வர் விஜய் அணிந்த நேவி ப்ளூ உடை விலை விவரம்

இசையமைப்பாளர் அனிருத் ரவிச்சந்தர் மற்றும் காவ்யா மாறன் ஆகியோரின் திருமண வரவேற்பு நிகழ்ச்சியில் தமிழ்நாடு முதலமைச்சர் விஜய் அணிந்து வந்த நேவி ப்ளூ நிற உடையின் மதிப்பு குறித்து இணையத்தில் பேசப்பட்டு வருகிறது. சென்னையில் கடந்த நவம்பர் 21-ஆம் தேதி சனிக்கிழமை நடைபெற்ற இந்த வரவேற்பு விழாவில், கருப்பு நிறக் கால்சட்டையுடன் நேவி ப்ளூ சூட் மற்றும் கோல்டு பட்டன்கள் அணிந்து விஜய் பங்கேற்றார்.
வெளியாகியுள்ள செய்திகளின்படி, இந்த வகையான ஜாக்கெட்டின் விலை சுமார் ரூ. 2.30 லட்சமாகவும், பட்டுப் பாக்கெட் ஸ்கொயரின் விலை சுமார் ரூ. 7,500 ஆகவும் மதிப்பிடப்பட்டுள்ளது. மேலும், அதில் பொருத்தப்பட்டிருந்த கோல்டு பட்டன்களின் மதிப்பு சுமார் ரூ. 1.47 லட்சம் எனக் கூறப்படும் நிலையில், ஒட்டுமொத்த உடையின் மதிப்பு தோராயமாக ரூ. 3.67 லட்சம் வரை இருக்கலாம் எனத் தெரிவிக்கப்பட்டுள்ளது.
இந்த நிகழ்ச்சியில் ரஜினிகாந்த், கமல்ஹாசன், முன்னாள் முதல்வர் மு.க. ஸ்டாலின் உள்ளிட்ட சினிமா மற்றும் அரசியல் பிரபலங்களும் கலந்து கொண்ட நிலையில், விஜய்யின் தோற்றம் மற்றும் உடைக் குறித்த விவரங்கள் சமூக வலைதளங்களில் அதிகம் பகிரப்பட்டு வருகின்றன. வரவேற்பு விழாவில் மணமக்களுக்குப் பூங்கொத்து வழங்கி வாழ்த்துத் தெரிவித்த விஜய், மற்ற பிரபலங்களுடன் கைகுலுக்கிப் பேசிய புகைப்படங்களும் வெளியாகியுள்ளன.
உடையின் விலை குறித்து அதிகாரப்பூர்வமாக எவ்வித உறுதிப்படுத்தலும் வெளியிடப்படாத நிலையில், இது ஊடகங்கள் மற்றும் இணையதளங்களில் வெளியான மதிப்பீடுகளின் அடிப்படையிலான தகவலாக மட்டுமே உள்ளது. திருமண வரவேற்பு விழாவின் புகைப்படங்கள் மற்றும் காணொளிகள் தொடர்ந்து இணையத்தில் வலம் வருகின்றன.