பிரக்ஞானந்தா நோர்வேயில் இருந்து வந்த உடனே அவரையும் அவரது அம்மாவையும் அழைத்த விஜய், தலைமைச் செயலகத்தில் வைத்து 50,லட்சத்தை பரிசாக வழங்கினார். இதேவேளை தன்னோடு செஸ் விளையாட வருமாறு முதல்வர் விஜய் அவர்கள் கூறவே , உடனே செஸ் போட் அங்கே கொண்டுவரப்பட்டது. செஸ் மற்றும் பாட்மிண்டன் விளையாட்டுகளில் முதல்வர் விஜய்க்கு அதீத ஈடுபாடு உள்ளது அனைவரும் அறிந்த விடையம். அவரது நீலாங்கரை இல்லத்தின் உள்ளேயே ஒரு சிறிய பாட்மீண்டன் கோட் உள்ளது. பிரக்ஞானந்தா முதல்வரோடு செஸ் விளையாடும் வீடியோ வைரலாக பரவி வருகிறது. உலகப் புகழ் பிரக்ஞானந்தாவுடன் 2 நிமிடங்களுக்கு மேல் விளையாடுவதே கடினம், இருந்தாலும் விஜய் அவர்கள் ஒரு 10 மூவ் செய்து இறுதியில் பிரக்ஞானந்தாவிடன் தோற்றார்.
Full-Story:
நார்வே செஸ் 2026 தொடரில் சாம்பியன் பட்டம் வென்று உலக அரங்கில் வரலாற்றுச் சாதனை படைத்த தமிழகத்தைச் சேர்ந்த இளம் கிராண்ட்மாஸ்டர் ஆர். பிரக்ஞானந்தா, சென்னை தலைமைச் செயலகத்தில் இன்று மாண்புமிகு தமிழக முதலமைச்சர் சி. ஜோசப் விஜய் அவர்களை நேரில் சந்தித்து வாழ்த்துப் பெற்றார். கடந்த வாரம் ஆஸ்லோ நகரில் நடைபெற்ற புகழ்பெற்ற நார்வே செஸ் தொடரின் இறுதிச் சுற்றில் ஜெர்மனியின் வின்சென்ட் கெய்மரை வீழ்த்தி, இத்தொடரில் சாம்பியன் பட்டம் வென்ற முதல் இந்தியர் என்ற அசாத்தியமான மைல்கல்லை பிரக்ஞானந்தா எட்டினார். உலக சாம்பியனான மேக்னஸ் கார்ல்சனை ஒரே தொடரில் இரண்டு முறை வீழ்த்திய பிரக்ஞானந்தாவின் இந்த இமாலயப் சாதனையைப் பாராட்டி, தமிழ்நாடு விளையாட்டு மேம்பாட்டு ஆணையத்தின் (SDAT) சார்பில் ரூ. 50 லட்சத்திற்கான ஊக்கத்தொகை காசோலையை முதலமைச்சர் விஜய் அவருக்கு வழங்கி கௌரவித்தார்.
இந்தச் சந்திப்பின் போது யாரும் எதிர்பாராத ஒரு சுவாரசியமான மற்றும் நெகிழ்ச்சியான நிகழ்வு அரங்கேறியது. முதலமைச்சரைச் சந்திக்க வந்த பிரக்ஞானந்தாவிடம் முன்கூட்டியே ஒரு சதுரங்கப் பலகையை (Chessboard) எடுத்து வருமாறு முதல்வர் தரப்பில் கூறப்பட்டிருந்தது. அதன்படி எடுத்து வரப்பட்ட சதுரங்கப் பலகையில், முதலமைச்சர் விஜய் மற்றும் பிரக்ஞானந்தா ஆகிய இருவருக்கும் இடையே சுமார் 15 நிமிடங்கள் ஒரு நட்புரீதியான செஸ் போட்டி நடைபெற்றது. இப்போட்டியில் உலகத்தரம் வாய்ந்த கிராண்ட்மாஸ்டரான பிரக்ஞானந்தா வெற்றி பெற்றார். போட்டிக்குப் பிறகு செய்தியாளர்களிடம் பேசிய பிரக்ஞானந்தா, “முதலமைச்சர் என்னுடன் நேரில் அமர்ந்து செஸ் விளையாடுவார் என்று நான் சற்றும் எதிர்பார்க்கவில்லை, அவரது விளையாட்டுத் திறன் மற்றும் ஆதரவான அணுகுமுறை எனக்கு மிகப்பெரிய ஆச்சரியத்தையும் மகிழ்ச்சியையும் தந்தது” என நெகிழ்ச்சியுடன் பகிர்ந்து கொண்டார்.
தலைமைச் செயலகத்தில் நடைபெற்ற இந்த பாராட்டு விழாவில், பிரக்ஞானந்தாவின் பெற்றோர், தமிழக பொதுப்பணி மற்றும் விளையாட்டு மேம்பாட்டுத் துறை அமைச்சர் ஆதவ் அர்ஜுனா மற்றும் அரசு உயர் அதிகாரிகள் பலர் உடனிருந்தனர். விளையாட்டு வீரர்களை ஊக்குவிப்பதில் தவெக (TVK) அரசு தனி கவனம் செலுத்தி வரும் நிலையில், எஸ்டிஏடி (SDAT) எலைட் திட்டத்தின் கீழ் பிரக்ஞானந்தாவிற்கு ஆண்டுதோறும் ரூ. 30 லட்சம் நிதியுதவி வழங்கப்பட்டு வருவது குறிப்பிடத்தக்கது. உலகத்தரம் வாய்ந்த வீரர்களான மேக்னஸ் கார்ல்சன், குகேஷ் ஆகியோரை முந்தி நார்வே செஸ் கோப்பையைக் கைப்பற்றித் தாயகம் திரும்பிய தமிழ்நாட்டின் இளம் சிங்கத்தை, முதலமைச்சர் விஜய் நேரில் அழைத்துச் சதுரங்கம் விளையாடிப் பாராட்டியுள்ள இந்த நிகழ்வு சமூக வலைத்தளங்களில் தற்போது வைரலாகி கிரிக்கெட் மற்றும் செஸ் ரசிகர்களிடையே பெரும் நெகிழ்ச்சியை ஏற்படுத்தியுள்ளது.
