தமிழ் திரையுலகில் முன்னணி நடிகராக வலம்வரும் தனுஷ், தனது ரசிகர் மன்றங்களை ‘தனுஷ் நற்பணி இயக்கம்’ என்று மாற்றி அரசியல் களமிறங்குவதற்கான கட்டமைப்புப் பணிகளைத் தீவிரப்படுத்தியுள்ளார். இந்நிலையில், விரைவில் அரசியல் கட்சியைத் அதிகாரப்பூர்வமாகப் பதிவு செய்வதற்கான நடவடிக்கைகளை முடுக்கிவிட்டுள்ள அவர், அதற்காகத் தலைநகர் டெல்லிக்குப் பயணம் மேற்கொண்டுள்ளார். இந்தப் பயணத்தின் போது அவர் அரசியல் ரீதியான முக்கியப் பிரமுகர்களைச் சந்தித்துப் பேச திட்டமிட்டுள்ளதாகத் தகவல்கள் வெளியாகியுள்ளன.
புதிதாகக் கட்சி தொடங்கும் போது அதன் கட்டமைப்பு எப்படி இருக்க வேண்டும், நிர்வாகிகளை நியமிப்பது மற்றும் தேர்தல் வியூகங்கள் குறித்து டெல்லியில் தீவிர ஆலோசனைகள் நடைபெற்று வருகின்றன. கட்சியைத் தேர்தல் ஆணையத்தில் பதிவு செய்வதற்கான சட்டப்பூர்வ வழிமுறைகள் குறித்தும், தற்போதைய அரசியல் சூழல்கள் குறித்தும் அவர் முக்கிய நபர்களுடன் விவாதித்து வருவதாகக் கூறப்படுகிறது. சினிமா துறையில் தனது நீண்ட காலப் பயணத்தைத் தொடர்ந்து, இப்போது பொதுவாழ்வில் தனது முத்திரையைப் பதிக்கும் நோக்கில் அவர் இந்த நடவடிக்கைகளை மேற்கொண்டுள்ளார்.
நடிகர்களின் அரசியல் வருகை தமிழக அரசியலில் அதிக எதிர்பார்ப்பை ஏற்படுத்தியுள்ள சூழலில், தனுஷின் இந்த டெல்லி பயணம் அரசியல் வட்டாரத்தில் பெரும் கவனத்தை ஈர்த்துள்ளது.
கட்சியைப் பதிவு செய்வது மற்றும் மாநிலம் முழுவதும் உள்ள ரசிகர் மன்றங்களை ஒருங்கிணைத்து வலுவான கட்டமைப்பை உருவாக்குவது குறித்த அடுத்தடுத்த அறிவிப்புகள் விரைவில் வெளியாகலாம் என எதிர்பார்க்கப்படுகிறது.
