கடந்த சில நாட்களாகச் சர்வதேச சந்தை நிலவரங்களுக்கு ஏற்பத் தங்கத்தின் விலையில் தொடர்ச்சியான வீழ்ச்சி பதிவாகி வந்த நிலையில், இன்று வர்த்தகத்தின் தொடக்கத்தில் விலை சற்று அதிகரித்துள்ளது. அதன்படி, சென்னையில் இன்று 22 கரட் ஆபரணத் தங்கம் ஒரு கிராமிற்கு 90 ரூபாய் அதிகரித்து 13,070 ரூபாயாகவும், சவரனுக்கு 720 ரூபாய் உயர்ந்து 1,04,560 ரூபாயாகவும் விற்பனை செய்யப்படுகிறது. அதேபோன்று 24 கரட் சுத்தத் தங்கத்தின் விலையும் கிராமிற்கு 100 ரூபாய் அதிகரித்து 14,258 ரூபாயாக உள்ளது.
தொடர்ச்சியாகக் குறைந்து வந்த தங்கம் விலையில் ஏற்பட்டுள்ள இந்தத் திடீர் மாற்றமானது, நகை வாங்குவோரிடையே கலவையான எதிர்பார்ப்பை ஏற்படுத்தியுள்ளது. சர்வதேச பொருளாதாரச் சூழல் மற்றும் அமெரிக்க டாலரின் மதிப்பு உள்ளிட்ட பல்வேறு காரணிகளால் தங்கம் விலையில் நாளாந்திர மாற்றங்கள் நிகழ்ந்து வருவதாகச் சந்தை நிபுணர்கள் தெரிவிக்கின்றனர். பண்டிகைக் காலம் நெருங்கும் வேளையில் விலை நிலவரங்களில் ஏற்படும் இந்த மாறுதல்கள் பொதுமக்களைக் கவனிப்புடன் இருக்கச் செய்துள்ளது.
விலை உயர்வின் போக்கு அடுத்தடுத்த நாட்களிலும் தொடருமா அல்லது மீண்டும் குறையுமா என்பது வர்த்தக முடிவுகளைப் பொறுத்தே அமையும் என எதிர்பார்க்கப்படுகிறது.
தங்கம் வாங்குவோர் மற்றும் முதலீட்டாளர்கள் சந்தையின் தினசரி நிலவரங்களை உன்னிப்பாகக் கவனித்து வருவதுடன், தற்போதைய சூழலில் விலை மாற்றங்களைத் தொடர்ந்து கண்காணித்து வருகின்றனர்.
