தமிழ் திரையுலகில் தனது மயக்கும் குரலால் பல ஹிட் பாடல்களைப் பாடி முன்னணி பின்னணி பாடகியாக வலம் வரும் ஜோனிதா காந்தி, தற்போது சமூக வலைதளங்களில் வெளியிட்டுள்ள கிளாமரான புதிய புகைப்படங்கள் இணையத்தில் தீயாய் பரவி வருகின்றன. பாடகியாக மட்டுமின்றி நடிகையாகவும் மிளிரும் இவரது இந்த மாடர்ன் லுக் புகைப்படங்கள், அவரது ரசிகர்களைப் பெரிதும் கவர்ந்து இணையத்தில் வைரலாகி வருகின்றன.
ஏ.ஆர். ரஹ்மான், அனிருத் போன்ற பிரபல இசை அமைப்பாளர்களின் இசையில் பாடி தமிழ், இந்தி உள்ளிட்ட மொழிகளில் தனக்கெனப் தனி ரசிகர் பட்டாளத்தை உருவாக்கியவர் ஜோனிதா காந்தி. சிவகார்த்திகேயனின் ‘டாக்டர்’ படத்தில் இடம் பெற்ற ‘செல்லம்மா’ மற்றும் ‘டான்’ படத்தில் இடம் பெற்ற ‘பிரைவேட் பார்ட்டி’, தளபதி விஜய்யின் ‘பீஸ்ட்’ படத்தில் இடம்பெற்ற ‘அரபி குத்து’ ஆகிய பாடல்கள் மூலம் தமிழகத்தின் மூலை முடுக்கெங்கும் இவர் பிரபலமடைந்தார்.
தற்போது திரைப்படப் பாடல்கள் மட்டுமின்றி சுயாதீன ஆல்பம் பாடல்கள், இசை நிகழ்ச்சிகள் எனத் தொடர்ந்து பிசியாக இயங்கி வரும் ஜோனிதா காந்தியின் இந்த திடீர் அவதாரம், அவரது அடுத்தகட்ட திரைப்பயணம் குறித்தும் எதிர்பார்ப்பை ஏற்படுத்தியுள்ளது. இன்ஸ்டாகிராமில் லட்சக்கணக்கான லைக்ஸ்களைக் குவித்து வரும் இந்த புகைப்படங்கள் தற்போதைய டிரெண்டிங் செய்தியாக வலம் வருகின்றன.
