தமிழகத்தில் தமிழக வெற்றி கழகம் (தவெக) தலைமையிலான அரசு அமைந்து சில மாதங்களே நிறைவடைந்துள்ள நிலையில், முதலமைச்சர் த.வெ.க விஜய் தனது அமைச்சரவையை அதிரடியாக மாற்றியமைக்கத் திட்டமிட்டு வருவதாகவும், உளவுத்துறை மற்றும் தனிப்பட்ட ஆய்வறிக்கையின் அடிப்படையில் ஒரு பெண் அமைச்சர் உட்பட மூவர் தங்களது பதவிகளை இழக்க நேரிடலாம் என்றும் தகவல்கள் வெளியாகிப் பெரும் பரபரப்பை ஏற்படுத்தியுள்ளன.
முதலமைச்சரின் ஆலோசகர்களான ஜான் ஆரோக்கியசாமி மற்றும் விஷ்ணு ரெட்டி ஆகியோர் அடங்கிய குழு, கடந்த சில மாதங்களாக ஒவ்வொரு அமைச்சரின் செயல்பாடுகள், துறை சார்ந்த கோப்புகளைக் கையாளும் திறன், அதிகாரிகளுடனான ஒருங்கிணைப்பு மற்றும் தொகுதிப் பணிகளைத் தீவிரமாக ஆய்வு செய்து விரிவான அறிக்கையைச் சமர்ப்பித்துள்ளது. இந்த ஆய்வறிக்கையுடன், மாநில உளவுத்துறை அளித்த ரகசிய அறிக்கையையும் முதலமைச்சர் விஜய் தீவிரமாக ஆய்வு செய்ததாகக் கூறப்படுகிறது.
அறிக்கையின் அடிப்படையில், சில அமைச்சர்களின் செயல்பாடுகள் திருப்திகரமாக இல்லை என்றும், குறிப்பாக ஒரு முக்கியப் பெண் அமைச்சர் மாற்றுக் கட்சியினருடனும் விஐபி பிரமுகர்களுடனும் ரகசியச் சந்திப்புகளை நடத்தியதாக உளவுத்துறை எச்சரித்துள்ளதாகவும் தகவல்கள் கசிந்துள்ளன. இதனால் அதிருப்தியடைந்துள்ள முதலமைச்சர் விஜய், அரசுக்குக் கெட்ட பெயர் ஏற்படுவதைத் தவிர்க்கும் வகையில், சட்டப்பேரவைக் கூட்டத்தொடர் நிறைவடைந்ததும் அமைச்சரவை மாற்றத்தை மேற்கொள்ள முடிவெடுத்துள்ளார்.
இந்த அதிரடி அமைச்சரவை மாற்றத்தின் போது, செயல்திறன் குறைந்த மூன்று தவெக அமைச்சர்களின் பதவிகள் பறிக்கப்படலாம் என்றும், கூட்டணிச் சேர்ந்த முக்கிய அமைச்சர் ஒருவரின் துறை மாற்றப்படலாம் என்றும் தெரிகிறது. ஆட்சி அமைந்த குறுகிய காலத்திலேயே உளவுத்துறை அறிக்கையின் அடிப்படையில் முதலமைச்சர் விஜய் எடுக்கவுள்ள இந்தச் சலசலப்பான முடிவு, தமிழக அரசியல் களத்தில் கடுமையான விவாதங்களையும் எதிர்பார்ப்புகளையும் கிளப்பியுள்ளது.
