ஹோர்முஸ் ஜலசந்தி மற்றும் பெர்சியன் வளைகுடா பகுதியில் பயணித்த எண்ணெய் தாங்கி கப்பல்கள் மீது ஈரான் சார்பிலான தாக்குதல்கள் தீவிரமடைந்துள்ளதாக சர்வதேச ஊடகங்கள் செய்தி வெளியிட்டுள்ளன. பிரெண்ட் கச்சா எண்ணெய் (Brent Crude) விலை பீப்பாய் ஒன்றுக்கு 105 டாலரைக் கடந்து வர்த்தகமாகி வருகிறது. கப்பல் போக்குவரத்து முடங்கியதால் உலகளாவிய எரிபொருள் விநியோகத்தில் தட்டுப்பாடு ஏற்படும் என்ற அச்சம் சந்தையில் உருவாகியுள்ளது.
எண்ணெய் விலையேற்றம் காரணமாகப் பணவீக்கம் மீண்டும் அதிகரிக்கும் என்ற கவலையால் அமெரிக்கக் திறைசேரி பத்திரங்களின் வட்டி விகிதங்கள் (Treasury Yields) உயர்ந்துள்ளன. இதன் எதிரொலியாக அமெரிக்க பங்குச் சந்தைகளான டவ் ஜோன்ஸ் (Dow Jones) futures மற்றும் பிற முக்கிய ஆசிய, ஐரோப்பிய பங்குச் சந்தைகள் கணிசமான சரிவைச் சந்தித்துள்ளன. சர்வதேச அளவில் கச்சா எண்ணெய் கொண்டு செல்வதற்கான கப்பல் வாடகை மற்றும் காப்பீட்டுக் கட்டணங்களும் சாதனை அளவில் உயர்ந்துள்ளன.
எரிபொருள் தட்டுப்பாட்டைக் கட்டுப்படுத்த அவசர எண்ணெய் இருப்பை வெளியிடுவது குறித்து அமெரிக்கா மற்றும் நட்பு நாடுகள் ஆலோசனை நடத்தி வருகின்றன. இருப்பினும், ஹோர்முஸ் கடல்சார் வழித்தடத்தில் பதற்றம் நீடிக்கும் வரை சர்வதேச நிதிச் சந்தைகளில் ஏற்ற இறக்கங்கள் தொடரும் எனப் பொருளாதார நிபுணர்கள் கணித்துள்ளனர்.
