சமூக வலைதளப் பக்கங்கள் மூலம் இந்தத் தகவலைப் பகிர்ந்துள்ள அவர், ‘புராஜெக்ட் அன்னபூர்ணா’ (Project Annapurna) என்ற புதிய நற்பணித் திட்டத்தைத் தொடங்கியுள்ளார். இதன் மூலம் அடுத்த ஒரு வருடத்திற்குத் தலா 400 குடும்பங்களுக்கு மூன்று மாத சுழற்சி முறையில் தேவையான மளிகைப் பொருட்களை வழங்கவுள்ளதாக அவர் தெரிவித்துள்ளார். இதன் மூலம் ஏழை குடும்பங்களின் பொருளாதாரச் சுமை குறைவதுடன், எதிர்காலச் சேமிப்புக்கும் இது வழிவகுக்கும் என அவர் குறிப்பிட்டுள்ளார்.
தான் நடிக்கவிருக்கும் ‘ரணபாலி’ (Ranabaali) திரைப்படத்தில் ஜியம்மா என்ற கதாபாத்திரத்தில் நடிக்கும்போது கிடைத்த அனுபவங்களே இந்தச் சமூக சேவைக்குத் தூண்டுகோலாக இருந்ததாக அவர் கூறியுள்ளார். சிறிய அளவிலான நற்பணி கூட ஒருவரின் வாழ்க்கையில் பெரிய மாற்றங்களை ஏற்படுத்தக்கூடும் என்றும், மற்றவர்களும் இது போன்ற உதவிகளைச் செய்ய முன்வர வேண்டும் என்றும் அவர் கேட்டுக்கொண்டுள்ளார்.
நடிகை ரஷ்மிகா மந்தன்னாவின் இந்த மனிதநேயச் செயலையும் சமூக அக்கறையையும் பாராட்டிப் பலரும் தங்களது வாழ்த்துகளையும் ஆதரவையும் தெரிவித்து வருகின்றனர்.
திரைப்படப் பணிகளுடன் சேர்ந்து இது போன்ற சமூக நலத் திட்டங்களிலும் அவர் தொடர்ந்து கவனம் செலுத்துவார் என எதிர்பார்க்கப்படுகிறது.
