உக்ரைன் நாட்டின் தலைநகரான கீவ் (Kyiv) மற்றும் அதனைச் சுற்றியுள்ள மாகாணங்களை இலக்கு வைத்து, ரஷ்ய அதிபர் விளாடிமிர் புதின் உத்தரவின் பேரில் ரஷ்ய ராணுவம் முன்னெப்போதும் இல்லாத வகையில் இமாலய வான்வழித் தாக்குதலை நடத்தியுள்ளது. ஞாயிற்றுக்கிழமை அதிகாலை நடத்தப்பட்ட இந்த கொடூரத் தாக்குதலில், மொத்தம் அதிநவீன ட்ரோன்களும், ஏவுகணைகளும் உக்ரைன் மீது ஏவப்பட்டதாக அந்நாட்டு விமானப்படை அதிகாரப்பூர்வமாக அறிவித்துள்ளது. உக்ரைன் பாதுகாப்புப் படையினர் ட்ரோன்களையும், ஏவுகணைகளையும் நடுவானில் சுட்டு வீழ்த்திய போதிலும், மீதமுள்ளவை குடியிருப்புப் பகுதிகள் மற்றும் முக்கிய உள்கட்டமைப்புகளைத் தாக்கியதில் பெரும் சேதம் ஏற்பட்டுள்ளது.
இந்த அதிரடித் தாக்குதல், ரஷ்யக் கட்டுப்பாட்டில் உள்ள கிழக்கு உக்ரைன் பகுதியில் உக்ரைன் நடத்திய முந்தைய ட்ரோன் தாக்குதலுக்குப் பழிவாங்கும் நடவடிக்கை (Retaliation) என ரஷ்ய பாதுகாப்பு அமைச்சகம் பகிரங்கமாக ஒப்புக்கொண்டுள்ளது. முன்னதாக, கிழக்கு உக்ரைனின் ஸ்டாரோபில்ஸ்க் (Starobilsk) பகுதியில் உக்ரைன் நடத்திய தாக்குதலில் கல்லூரி விடுதி ஒன்று தரைமட்டமாகி, இளம் மாணவிகள் பலியாகினர். இதற்குப் பதிலடியாக, “இதற்குக் காரணமானவர்கள் தப்பிக்க முடியாது, கடுமையான தண்டனை நிச்சயம்” என்று ரஷ்ய வெளியுறவு அமைச்சகம் எச்சரித்திருந்த நிலையில், அடுத்த மணிநேரத்திற்குள் இந்த விஸ்வரூப பழிவாங்கும் தாக்குதலை ரஷ்யா அரங்கேற்றியுள்ளது.
இம்முறை நடத்தப்பட்ட தாக்குதலில் ரஷ்யா தனது அணு ஆயுதங்களைச் சுமந்து செல்லக்கூடிய, அதிநவீன ஹைப்பர்சோனிக் ஏவுகணையான ‘ஓரேஷ்னிக்’ (Oreshnik)-ஐப் பயன்படுத்தியுள்ளதாக உக்ரைன் அதிபர் வோலோடிமிர் ஜெலென்ஸ்கி உறுதிப்படுத்தியுள்ளார். மத்திய உக்ரைனில் உள்ள பிலா த்செர்குவா (Bila Tserkva) நகரை நோக்கி இந்த அதிபயங்கர ஏவுகணை ஏவப்பட்டுள்ளது. ரஷ்யாவின் இத்தகைய வெறித்தனமான தாக்குதலால் கீவ் நகரின் அனைத்து மாவட்டங்களும் கடுமையாகப் பாதிக்கப்பட்டுள்ளதாகவும், பொதுமக்களின் குடிநீர் விநியோகக் கட்டமைப்பு, வணிக வளாகங்கள், சந்தைகள் மற்றும் பல பள்ளிக்கூடங்கள் தீப்பற்றி எரிந்து சாம்பலாகியுள்ளதாகவும் மேயர் விட்டாலி கிளிட்ச்கோ வேதனையுடன் தெரிவித்துள்ளார்.
தலைநகர் கீவ்வில் உள்ள அரசு அலுவலகங்கள் மற்றும் நாடாளுமன்றக் கட்டிடங்கள் அமைந்துள்ள மையப்பகுதியைச் சுற்றியுள்ள அடுக்குமாடி குடியிருப்புகள் இந்த ஏவுகணை அதிர்வுகளால் கடுமையாகக் குலுங்கின. பொதுமக்கள் அனைவரும் அலறியடித்தபடி தங்களைப் பாதுகாத்துக் கொள்ள நிலத்தடி மெட்ரோ ரயில் நிலையங்களில் தஞ்சம் புகுந்தனர். இந்தத் தாக்குதலில் முதற்கட்டமாக பேர் உயிரிழந்துள்ளதாகவும், -க்கும் மேற்பட்ட பொதுமக்கள் படுகாயமடைந்து மருத்துவமனைகளில் அனுமதிக்கப்பட்டுள்ளதாகவும் மீட்புக்குழுவினர் தெரிவித்துள்ளனர். போர் தொடங்கி நான்கு ஆண்டுகள் கடந்துவிட்ட நிலையிலும், ரஷ்யாவின் இந்த தற்போதைய கூட்டுத் தாக்குதல் வரலாற்றிலேயே மிக அதிபயங்கரமான மற்றும் சத்தமான தாக்குதலாகப் பதிவாகியுள்ளது.
