முதலமைச்சர் சி. ஜோசப் விஜய் இரண்டு தொகுதிகளில் வெற்றி பெற்று ஒரு தொகுதியைத் ராஜினாமா செய்ததைத் தொடர்ந்து, திருச்சி கிழக்குத் தொகுதியில் இடைத்தேர்தல் களம் சூடுபிடிக்கத் தொடங்கியுள்ளது. தவெக தலைவர் போட்டியிட்டு வெற்றிபெற்ற தொகுதி என்பதால், இந்தத் தேர்தல் தமிழக அரசியல் களத்தில் மிகுந்த எதிர்பார்ப்பை ஏற்படுத்தியுள்ள முக்கியப் பகுதியாக மாறியுள்ளது. இந்தத் தொகுதியில் திமுகவின் வெற்றியை உறுதி செய்யக் கட்சியின் மூத்த தலைவர்கள் மற்றும் மாவட்டச் செயலாளர்களுடன் தனிப்பட்ட முறையில் ஆலோசனைக் கூட்டங்கள் நடத்தப்பட்டு வருகின்றன.
கட்சிக்கான செல்வாக்கை நிரூபிக்கவும், ஆளுங்கட்சியின் நடவடிக்கைகளுக்கு வலுவான பதிலடி கொடுக்கவும் இந்த இடைத்தேர்தலை திமுக மிக முக்கியக் களமாகப் பார்க்கிறது. எனினும், தொகுதியில் கட்சியின் வேட்பாளர் யார் என்பது குறித்தும், கட்சித் தலைவர் மு.க.ஸ்டாலின் நேரடியாகக் களமிறங்குவது தொடர்பாகவும் இதுவரை அதிகாரப்பூர்வமான இறுதி முடிவுகள் எ எடுக்கப்படவில்லை. தேர்தல் ஆணையத்தின் அறிவிப்புக்குப் பிறகு கூட்டணி கட்சிகளுடன் பேசி இறுதி முடிவு எடுக்கப்படும் எனத் திமுக தரப்பு வட்டாரங்கள் தெரிவிக்கின்றன.
எதிர்வரும் இடைத்தேர்தலைச் சிறப்பாக எதிர்கொள்ள அனைத்துக் கட்சிகளும் தங்களது பூத் கமிட்டி பணிகளை முடுக்கிவிட்டுள்ளதால் அரசியல் களம் பரபரப்பாகியுள்ளது.
திருச்சி கிழக்குத் தொகுதிக்கான தேர்தல் தேதிகள் விரைவில் அறிவிக்கப்படும் என எதிர்பார்க்கப்படும் நிலையில், பிரதான கட்சிகளின் அடுத்தடுத்த நகர்வுகள் உன்னிப்பாகக் கவனிக்கப்பட்டு வருகின்றன.
