‘Moscow will burn’, Zelensky vows as Russia’s capital is blanketed in toxic smoke following huge Ukraine drone attack: சில மணி நேரங்களுக்கு முன்னர் உக்ரைன் ரஷ்ய தலைநகர் மீது நடத்திய தாக்குதலால், எண்ணெய் சுத்திகரிப்பு ஆலையிலிருந்து நச்சு வாயு கசிந்துள்ளது. இதனால், தலைநகர் மாஸ்கோவில் மக்கள் தஞ்சம் தேடி அலைகிறார்கள். காற்றில் ஒரு வகையான நச்சு வாயு கலந்துள்ளமை உறுதியாகியுள்ளது.
ரஷ்யாவுக்கு எதிரான போரில் உக்ரைன் ராணுவம் இதுவரை கண்டிராத ஒரு புதிய வரலாற்று உச்சக்கட்ட அதிரடித் தாக்குதலைத் தற்பொழுது நிகழ்த்திக் காட்டியுள்ளது. உக்ரைனின் அதிநவீன நீள்தூர “கில்லர்” ட்ரோன்கள் (Killer Drones) நூற்றுக்கணக்கில் சீறிப்பாய்ந்து, மாஸ்கோவைச் சுற்றியுள்ள அனைத்து அதிநவீன வான் பாதுகாப்பு ஏவுகணை வளையங்களையும் (Air defense rings) சுக்குநூறாக உடைத்தெறிந்துள்ளன. இந்தத் தாக்குதலில் ரஷ்யாவின் இதயப்பகுதியான மாஸ்கோவின் கபோட்னியா (Kapotnya) மாவட்டத்தில் அமைந்துள்ள மாபெரும் ‘காஸ்ப்ரோம் நெப்ட்’ (Gazprom Neft) எண்ணெய் சுத்திகரிப்பு ஆலை குறிவைக்கப்பட்டு தகர்க்கப்பட்டது. இந்த கோரத் தாக்குதல் மாஸ்கோவை ஒட்டுமொத்தமாகப் புகை மண்டலமாகவும், பயங்கரவாத பீதியிலும் ஆழ்த்தியுள்ளது.
வானில் இருந்து ஏவப்பட்ட தற்கொலைப்படை ட்ரோன்கள் (Kamikaze Drones) நேராக வந்து மோதிய அந்த வினாடியில், ஒட்டுமொத்த மாஸ்கோ நகரமே அதிரும் வகையில் ராட்சத வெடிப்புச் சத்தங்கள் அடுத்தடுத்து கேட்டன. மாஸ்கோ பிராந்தியத்தின் ஒட்டுமொத்த எரிபொருள் தேவையில் 33 சதவீதத்திற்கும் மேல் பூர்த்தி செய்யும் இந்த மாபெரும் எண்ணெய் சுத்திகரிப்பு ஆலை, வெடித்துச் சிதறி வானுயரத்திற்கு அணு வெடிப்பு போலப் பற்றி எரியத் தொடங்கியது. நள்ளிரவு 5:30 மணியளவில் தொடங்கிய இந்த பயங்கர தீ விபத்து, மைல்கல் தொலைவிற்குப் பிரம்மாண்ட நெருப்புக் கோளமாக வானில் காட்சியளித்தது. இந்தத் தாக்குதலால் மாஸ்கோவின் முக்கிய எரிசக்தி மற்றும் பொருளாதாரக் கட்டமைப்பு முற்றிலும் முடக்கப்பட்டுள்ளது.
இந்த வரலாறு காணாத மெகா வான்வழித் தாக்குதலால் மாஸ்கோவைச் சுற்றியுள்ள பவ்லோவ்ஸ்கி போசாட், ராமென்ஸ்கி மற்றும் ஜுகோவ்ஸ்கி (Zhukovsky) ஆகிய குடியிருப்புப் பகுதிகள் கடுமையான குண்டுவீச்சுக்கு உள்ளானது போலக் காட்சியளித்தன. பல அடுக்குமாடி குடியிருப்புகள் மீது ட்ரோன் பாகங்கள் விழுந்து தீப்பற்றியதால், உயிருக்கு அஞ்சிய நூற்றுக்கணக்கான ரஷ்யப் பொதுமக்கள் நள்ளிரவில் அலறியடித்தபடி தங்களது இருப்பிடங்களை விட்டு அவசரமாக வெளியேற்றப்பட்டனர் (Mass Evacuations). நிலைமை மோசமடைந்ததைத் தொடர்ந்து, ரஷ்யாவின் மிகப்பெரிய சர்வதேச விமான நிலையமான ஷெரெமெட்டியேவோ (Sheremetyevo), டோமோடெடோவோ மற்றும் வ்னுகோவோ உள்ளிட்ட 4 முக்கிய விமான நிலையங்கள் உடனடியாக மூடப்பட்டு வான்வழிப் போக்குவரத்து முற்றிலும் முடக்கப்பட்டது.
ரஷ்ய அதிபர் விளாடிமிர் புதின் கசான் (Kazan) நகரில் ஆசிய மற்றும் உலகத் தலைவர்களைச் சந்திக்கவிருந்த அதே வேளையில், கிரெம்ளின் மாளிகைக்கு மிக அருகில் இந்தத் தாக்குதலை உக்ரைன் நிகழ்த்தியுள்ளது. உக்ரைன் அதிபர் வோலோடிமிர் ஜெலென்ஸ்கி, ஜி7 (G7) மாநாட்டில் உலகத் தலைவர்களுடன் நடத்திய அவசரப் பாதுகாப்பு இராஜதந்திர பேச்சுவார்த்தைக்குப் பின்னரே, ரஷ்யாவின் பொருளாதார முதுகெலும்பை உடைக்கும் இந்தத் துணிச்சலான “தீப்ஸ்ட்ரைக்” (DeepStrike) ஏவப்பட்டுள்ளது. மாஸ்கோ மேயர் செர்ஜி சோபியானின் 62-க்கும் மேற்பட்ட ட்ரோன்களை சுட்டு வீழ்த்தியதாகத் தெரிவித்த போதிலும், உக்ரைனின் இந்த த்ரில்லர் பாணி அதிரடி ஆட்டம் ரஷ்ய ராணுவத்தின் வான் பாதுகாப்பின் பலவீனத்தை உலகிற்கு வெளிச்சம் போட்டுக் காட்டியுள்ளது.
