‘நவீன நாஸ்டர்டாமஸ்’ (Modern Nostradamus) என்று உலகளவில் அழைக்கப்படும் பிரேசில் நாட்டைச் சேர்ந்த பிரபல ஜோதிட மற்றும் கணிப்பு நிபுணர் ஆதோஸ் சலோமி (Athos Salomé), தெற்காசியாவில் நிலவும் அரசியல் பதற்றங்கள் மற்றும் பாகிஸ்தானின் அணு ஆயுதப் பயன்பாட்டு அபாயம் குறித்து வெளியிட்டுள்ள புதிய எச்சரிக்கை சர்வதேச ஊடகங்களில் பெரும் அதிர்வலையைக் கிளப்பியுள்ளது. பிரிட்டன் மறைந்த மகாராணி இரண்டாம் எலிசபெத்தின் மறைவு மற்றும் சர்வதேச அளவிலான பல்வேறு முக்கிய அரசியல் நிகழ்வுகளை முன்கூட்டியே கணித்துச் புகழ்பெற்றவர் ஆதோஸ் சலோமி என்பது குறிப்பிடத்தக்கது.
தெற்காசியப் பிராந்தியத்தில் அதிகரித்து வரும் எல்லை மோதல்கள் மற்றும் அரசியல் ஸ்திரமின்மை காரணமாக, பாகிஸ்தான் தனது அணு ஆயுதங்களை அல்லது தந்திரோபாய ஏவுகணைகளைப் (Tactical Nuclear Weapons) பயன்படுத்தும் கட்டாயத்திற்குத் தள்ளப்படலாம் எனச் சலோமி எச்சரித்துள்ளார். குறிப்பாக, நாட்டின் உள்நாட்டுப் பொருளாதாரச் சீர்குலைவு மற்றும் ராணுவக் கட்டுப்பாட்டு அமைப்புகளில் ஏற்படும் தளர்வுகள் காரணமாக, இந்த அணு ஆயுத அச்சுறுத்தல் உலகளாவிய மோதலாக உருவெடுக்கும் அபாயம் இருப்பதாகவும் அவர் சுட்டிக்காட்டியுள்ளார்.
உலகளவில் அதிகரித்து வரும் தற்காப்புப் போட்டி மற்றும் வல்லரசு நாடுகளுக்கு இடையே முற்றிவரும் மோதல்கள் மூன்றாம் உலகப் போராக (World War 3) மாறுவதற்கான அறிகுறிகள் தென்படுவதாகத் தெரிவித்துள்ள ‘நவீன நாஸ்டர்டாமஸ்’, அணு ஆயுதங்கள் கொண்ட நாடுகளுக்கு இடையே எழும் சிறு தவறும் மிகப்பெரிய பேரழிவிற்கு வழிவகுக்கும் எனக் கூறியுள்ளார். பாகிஸ்தானின் தற்போதைய வெளியுறவுக் கொள்கைகள் மற்றும் ராணுவ நகர்வுகள் சர்வதேச அமைதிக்கு மிகப்பெரிய சவாலாக உருவெடுக்கும் என்றும் அவரது கணிப்பில் தெரிவிக்கப்பட்டுள்ளது.
இத்தகைய முன்னறிவிப்புகள் மற்றும் கணிப்புகள் சோஷியல் மீடியாக்களிலும் சர்வதேச அரசியல் தளத்திலும் காரசாரமான விவாதங்களை உருவாக்கியுள்ளன. அதேவேளையில், இந்தியப் பாதுகாப்புப் படைகள் மற்றும் சர்வதேச அணுசக்தி முகமை (IAEA) உள்ளிட்ட சர்வதேச அமைப்புகள், பிராந்தியத்தின் பாதுகாப்புச் சூழலையும் அணு ஆயுதங்களின் பாதுகாப்பையும் தொடர்ந்து தீவிரமாகக் கண்காணித்து வருகின்றன.
