ருமேனியாவின் சுலினா நகருக்கு அருகில் உள்ள கடல் பகுதியில் சான் மரீனோ கொடியுடன் இயங்கிய ‘ஒயின் ட்ரேடர்’ (Wine Trader) என்ற இரசாயனக் கப்பலில் திடீரெனத் தீ விபத்து ஏற்பட்டது. இந்த விபத்தில் கப்பலில் பயணம் செய்த 12 பேரில் சில மாலுமிகள் பாதுகாப்பாக மீட்கப்பட்ட போதிலும், எட்டிற்கும் மேற்பட்டோர் மாயமாகியுள்ளதாக ரோமானிய கடற்படை அதிகாரிகள் உறுதிப்படுத்தியுள்ளனர்.
மேலும் மற்றொரு கப்பலான ‘யாரா ஜே’ (Yara J) என்ற எண்ணெய் டேங்கர் கப்பலிலும் தீ விபத்து ஏற்பட்டதாகவும், ஆயினும் அதன் பணியாளர்கள் உடனடியாகச் சுதாரித்துத் தீயை அணைத்ததால் பெரும் விபத்து தவிர்க்கப்பட்டதாகவும் தெரிவிக்கப்பட்டுள்ளது.
உள்ளூர் கடல் எல்லைப் பகுதியில் நிகழ்ந்த இந்த அடுத்தடுத்த விபத்துக்களுக்கு ஆளில்லா விமானத் தாக்குதல்களே (டிரோன்) காரணமா என்பது குறித்து ரோமானிய பாதுகாப்பு அமைச்சகம் மற்றும் கடல்சார் மீட்பு மைய அதிகாரிகள் தீவிர விசாரணை நடத்தி வருகின்றனர். உக்ரைன் போர் சூழல் காரணமாகக் கருங்கடல் பிராந்தியத்தில் கடந்த சில நாட்களாக வணிகக் கப்பல்கள் மீது தொடர் தாக்குதல்கள் அதிகரித்து வருவது குறிப்பிடத்தக்கது.
மாயமான மாலுமிகளைக் கண்டறியும் பணியில் அதிநவீன மீட்புக் கப்பல்களும் ஹெலிகாப்டர்களும் ஈடுபடுத்தப்பட்டு தீவிரத் தேடுதல் நடவடிக்கைகள் நடைபெற்று வருகின்றன.
மோசமான வானிலை மற்றும் கடல் சீற்றம் காரணமாக மீட்புப் பணிகளில் தொய்வு ஏற்பட்டுள்ள போதிலும், காணாமல் போனவர்களைத் தேடும் பணி தொடர்ந்து முழுவீச்சில் முடக்கப்பட்டுள்ளது.
