மாநிலத்தில் கொலை, கொள்ளை, போதைப்பொருள் விற்பனை மற்றும் பெண்களுக்கு எதிரான குற்றங்கள் அதிகரித்துள்ளதாகக் கூறி திமுக தலைமை அறிக்கை ஒன்றை வெளியிட்டுள்ளது. தமிழ்நாட்டில் பெண்கள் மற்றும் குழந்தைகளுக்குப் பாதுகாப்பற்ற சூழல் நிலவுவதாகவும், ஆளும் தவெக அரசின் நிர்வாகச் சீர்கேடே இதற்குக் காரணம் என்றும் திமுக குற்றம் சாட்டியுள்ளது. மேலும் அத்தியாவசியப் பொருட்களின் விலைவாசி உயர்வைக் கட்டுப்படுத்த அரசு எந்த நடவடிக்கையும் எடுக்கவில்லை என்றும் தெரிவிக்கப்பட்டுள்ளது.
இந்தச் சூழலில், அரசைக் கண்டித்து வரும் அக்டோபர் 31 சனிக்கிழமை காலை 10 மணியளவில் அனைத்து மாவட்டத் தலைநகரங்களிலும் மாபெரும் கண்டன ஆர்ப்பாட்டம் நடைபெறும் என அறிவிக்கப்பட்டுள்ளது. திமுக எம்பி கனிமொழி தலைமையில் மகளிரணி நிர்வாகிகள் இப்போராட்டங்களை ஒருங்கிணைக்க உள்ளனர்.
பெண்களுக்கான பாதுகாப்பை உறுதி செய்யக் கோரியும், குற்றச் செயல்களில் ஈடுபடுவோர் மீது கடும் நடவடிக்கை எடுக்கக் கோரியும் இந்த ஆர்ப்பாட்டம் முன்னெடுக்கப்படுகிறது.
அரசியல் களத்தில் எதிர்க்கட்சியான திமுக முன்னெடுக்கும் இந்த மாநில அளவிலான போராட்டம் பெரும் கவனத்தைப் பெற்றுள்ளது. மாவட்டத் தலைநகரங்களில் நடைபெறும் இப்போராட்டத்திற்கான ஆயத்தப் பணிகளில் திமுகவினர் தீவிரமாக ஈடுபட்டு வருகின்றனர்.
