உக்ரைன் மீதான போரில் ரஷ்யப் படைகள் செலுத்தும் புதிய அதிவேக ‘ஜெரான்’ வகை ஜெட் ட்ரோன்களின் (Jet Drones) இடிபாடுகளை ஆய்வு செய்ததில், அவற்றில் பிரித்தானிய தயாரிப்பு உதிரிபாகங்கள் இருந்தது கண்டறியப்பட்டுள்ளது. உக்ரைனின் தடைகள் கொள்கைக்கான அதிபரின் சிறப்பு ஆணையர் விளாடிஸ்லாவ் விலாசியுக் நடத்திய ஆய்வுகளின் அடிப்படையில் இந்தத் தகவல்கள் வெளிவந்துள்ளன. சர்வதேச தடைகளைத் தாண்டி ரஷ்யா வெளிநாட்டு பாகங்களைக் கொண்டு இத்தகைய ஆயுதங்களை இரகசியமாக உற்பத்தி செய்து வருவது பெரும் சர்ச்சையை ஏற்படுத்தியுள்ளது.
ரஷ்யாவின் இந்த புதிய தலைமுறை தாக்குதல் ட்ரோன்களில் சுமார் 100-க்கும் மேற்பட்ட வெளிநாட்டு தொழில்நுட்ப உதிரிபாகங்கள் பயன்படுத்தப்பட்டுள்ளதாக உக்ரைன் அதிகாரிகள் தெரிவித்துள்ளனர். சர்வதேச வர்த்தகத் தடைகளைத் தவிர்க்கும் வகையில் பல்வேறு இடைத்தரகர்கள் மற்றும் சர்வதேச நெட்வொர்க்குகள் மூலம் பிரித்தானியா உள்ளிட்ட மேலைநாடுகளின் உதிரிபாகங்களை ரஷ்யா வாங்கியுள்ளது. இந்த அதிவேக ஜெட் ட்ரோன்கள் மூலம் உக்ரைனின் உள்கட்டமைப்புகள் மற்றும் குடியிருப்புகள் மீது தொடர் தாக்குதல்கள் நடத்தப்பட்டு வருகின்றன.
பிரித்தானிய உதிரிபாகங்கள் ரஷ்ய ராணுவ உற்பத்தியில் பயன்படுத்தப்படுவது குறித்து இங்கிலாந்து அரசு மற்றும் சர்வதேச அமைப்புகள் தீவிர கவனத்தில் எடுத்துள்ளன. சட்டவிரோத ஏற்றுமதி பாதைகளை அடைக்கவும், ரஷ்யாவுக்கு உதவும் இடைத்தரகு நிறுவனங்கள் மீது கூடுதல் பொருளாதாரத் தடைகளை விதிக்கவும் கோரிக்கைகள் வலுத்து வருகின்றன. இத்தகைய ஆயுதப் விநியோகச் சங்கிலியை முடக்குவதே உக்ரைன் மீதான வான்வழித் தாக்குதல்களைக் கட்டுப்படுத்த ஒரே வழி எனப் பாதுகாப்பு நிபுணர்கள் கருதுகின்றனர்.
இந்த விவகாரம் தொடர்பாகப் பிரித்தானியப் புலனாய்வு அமைப்புகள் மற்றும் சர்வதேச தடைகள் கண்காணிப்பு குழுக்கள் விரிவான விசாரணைகளைத் தொடங்கியுள்ளன.
தடைகளை மீறி உதிரிபாகங்கள் ஏற்றுமதி செய்யப்பட்ட வழிகள் கண்டறியப்பட்டு, சம்பந்தப்பட்ட நிறுவனங்கள் மீது கடுமையான சட்ட நடவடிக்கைகள் எடுக்கப்படும் எனக் எதிர்பார்க்கப்படுகிறது.
