தமிழகத்தில் செப்டம்பர் மற்றும் அக்டோபர் மாதங்களை விட அடுத்தடுத்த மாதங்களில் பாதிப்புகள் அதிகமாக இருக்கக்கூடும் என்று ஜோதிடர் ரிக்கி ரத்தன் எச்சரிக்கை விடுத்துள்ளார். கிரக அமைப்புகள் மற்றும் எல் நினோ தாக்கத்தின் காரணமாகச் சென்னை உள்ளிட்ட தமிழகப் பகுதிகளிலும் தென்னிந்தியாவிலும் இயற்கைச் சீற்றங்கள் ஏற்பட வாய்ப்புகள் இருப்பதாகத் தெரிவித்துள்ளார். மேலும், தமிழகத்தில் உருவாகும் சூழ்நிலைகளை கிரகங்களின் சுழற்சியோடு தொடர்புபடுத்தித் தனது வீடியோவில் விளக்கியுள்ளார்.
வரவிருக்கும் சவால்களை எதிர்கொள்ளப் பொதுமக்கள் தங்களது முக்கிய ஆவணங்களைப் பாதுகாப்பாகச் சேமித்து வைக்குமாறு அவர் அறிவுறுத்தியுள்ளார். வங்கியிலும் பணப் பரிவர்த்தனைகளிலும் தனிப்பட்ட தகவல்கள் தொடர்பாகவும் எச்சரிக்கையுடன் இருக்க வேண்டும் எனக் குறிப்பிட்டுள்ளார். மன அமைதியையும் நம்பிக்கையையும் பேண இறை வழிபாடுகளை மேற்கொள்ளலாம் என்றும் அவர் ஆலோசனை வழங்கியுள்ளார்.
கடந்த சில வருடங்களாகத் தான் முன்வைத்து வரும் ஜோதிடக் கணிப்புகள் குறித்து ஊடகங்கள் மற்றும் பொதுவெளியில் விவாதிக்க மறுப்பது குறித்து அவர் தனது ஆதங்கத்தைப் பதிவு செய்துள்ளார். தனது ஜோதிடக் கருத்துக்கள் மற்றும் எச்சரிக்கைகள் பகுத்தறிவுப் பார்வையில் ஆராயப்பட வேண்டும் என்றும் அவர் வலியுறுத்தியுள்ளார்.
தற்போது இந்த ஜோதிடக் கணிப்புகள் தொடர்பான காணொளிகள் சமூக வலைதளங்களில் பரவி விவாதப் பொருளாக மாறியுள்ளன.
வானிலை மாற்றங்கள் மற்றும் வரவிருக்கும் சவால்களைச் சமாளிக்க மக்கள் தகுந்த முன்னெச்சரிக்க நடவடிக்கைகளை எடுத்து வருகின்றனர்.
