லெபனானின் தலைநகர் பெய்ரூட்டிற்கு கிழக்கே உள்ள Ain Saadeh பகுதியில் இஸ்ரேல் விமானத் தாக்குதல் நடத்தி குறைந்தது மூன்று பேர் உயிரிழந்ததாக லெபனான் சுகாதார அமைச்சகம் தெரிவித்துள்ளது. மேலும் மூவர் காயமடைந்துள்ளனர். தாக்குதல் குடியிருப்பு கட்டிடத்தை குறிவைத்து நடத்தப்பட்டதாக உள்ளூர் தகவல்கள் கூறுகின்றன.
இந்த தாக்குதல், இஸ்ரேல் – லெபனான் மோதல் மேலும் தீவிரமடைந்துள்ள நிலையில் நடந்துள்ளது. சமீபத்திய நாட்களில் பெய்ரூட் மற்றும் தெற்கு லெபனான் பகுதிகளில் தொடர்ச்சியான விமானத் தாக்குதல்கள் நடைபெற்று வருகின்றன. இன்று மட்டும் பல இடங்களில் தாக்குதல்கள் நடந்து உயிரிழப்புகள் அதிகரித்துள்ளதாக அதிகாரிகள் தெரிவித்துள்ளனர்.
இரான் ஆதரவு குழுக்களுடன் மோதல் தீவிரமான நிலையில், இஸ்ரேல் பாதுகாப்பு காரணங்களுக்காக இலக்குகளை தாக்குவதாக கூறுகிறது. அதே நேரத்தில் லெபனான் அதிகாரிகள் பொதுமக்கள் பலி அதிகரிப்பதாக எச்சரிக்கை விடுத்துள்ளனர். இந்த புதிய தாக்குதல் மத்திய கிழக்கு பிராந்தியத்தில் பதற்றத்தை மேலும் அதிகரித்துள்ளதாக சர்வதேச ஆய்வாளர்கள் கூறுகின்றனர்.
