திருவண்ணாமலையின் புனித மண்ணில் 15 வயது சிறுமி ஒருவரை பிடித்து, குளோரோஃபின் போன்ற மயக்க திரவத்தை தெளித்து, கடத்தி, கூட்டுப் பாலியல் வன்கொடுமைக்கு உள்ளாக்கிய சம்பவம் தமிழகத்தையே உலுக்கியுள்ளது. ஆனால், இந்தக் கொடூரத்தின் பின்னணியில் காவல்துறையின் தற்போதைய நடவடிக்கைகள் வெறும் கண்துடைப்போ என்ற சந்தேகம் எழுந்துள்ளது. பொதுமக்களின் ஆவேசத்தை அடக்க, அவசர அவசரமாக 4 இளைஞர்களைப் போலீஸ் கைது செய்துள்ளது. ஆனால், நமது Ground Reporter அளிக்கும் தகவலின்படி, கைது செய்யப்பட்டவர்களுக்கும் இந்தச் சம்பவத்திற்கும் எந்தச் சம்பந்தமும் இல்லை எனவும், உண்மையான குற்றவாளிகள் இன்னும் சுதந்திரமாக உலாவருவதாகவும் தெரிகிறது.
பாதிக்கப்பட்ட சிறுமி அளித்த வாக்குமூலம் நெஞ்சைப் பிளப்பதாக உள்ளது. தன்னைச் சீரழித்தவர்கள் இளைஞர்கள் அல்ல என்றும், மாறாக அவர்கள் நடுத்தர வயதினர் என்றும், அவர்கள் அனைவரும் கடுமையான போதையில் இருந்ததாகவும் அவர் தெரிவித்துள்ளார். குறிப்பாக, அந்தச் சிறுமியைக் கடத்தும்போது முகத்தில் ஒரு திரவம் தடவப்பட்ட துணியை வைத்து அமுக்கியுள்ளனர். அந்தத் திரவத்தைச் சுவாசித்தவுடன் சிறுமி நிலைகுலைந்து மயக்கமடைந்துள்ளார். இது ஏதோ தற்செயலாக நடந்த நிகழ்வு அல்ல; ஒரு இரையைத் தேடித் திட்டமிட்டு நடத்தப்பட்ட வேட்டை என்பது மிகத் தெளிவாகப் புரிகிறது.
தமிழகத்தில் கடந்த சில ஆண்டுகளாகப் போதைப் பொருட்களின் புழக்கம் சுமார் 200% அதிகரித்துள்ளதாகப் புள்ளிவிவரங்கள் எச்சரிக்கின்றன. தற்போதைய திமுக ஆட்சியில் போதைக் கலாச்சாரம் கட்டுக்கடங்காமல் பரவி வருவதும், கஞ்சா மற்றும் சிந்தெடிக் டிரக்ஸ் (Synthetic Drugs) எளிதாகக் கிடைப்பதுமே இத்தகைய கொடூரங்களுக்குக் காரணமாக அமைகிறது எனச் சமூக ஆர்வலர்கள் குற்றம் சாட்டுகின்றனர். “தமிழகத்தில் பெண்களுக்குப் பாதுகாப்பு இருக்கிறதா?” என்ற கேள்வி தற்போது விஸ்வரூபம் எடுத்துள்ளது. பட்டப்பகலிலேயே இத்தகைய துணிகரமான கடத்தல்கள் அரங்கேறுவது பொதுமக்களிடையே பெரும் அச்சத்தை விதைத்துள்ளது.
தற்போது கைது செய்யப்பட்டுள்ளவர்கள் மீது சந்தேகம் நிலவும் வேளையில், உண்மையில் அந்தச் சிறுமியைச் சீரழித்த அந்த 4 ஆபத்தான நபர்கள் இன்னும் பிடிபடவில்லை. அவர்கள் எப்போது வேண்டுமானாலும் அடுத்த இரையைத் தாக்கக் கூடும் என்பதால் திருவண்ணாமலை மக்கள் பீதியில் உள்ளனர். “இரவு நேரங்களில் பெண்கள் வெளியே செல்வதே உயிருக்கு ஆபத்து” என்ற நிலைதான் இன்றைய தமிழகத்தில் நிலவுகிறது. இந்தச் சம்பவத்தில் அரசியல் தலையீடின்றி, உண்மையான குற்றவாளிகளைக் கண்டுபிடித்து அவர்களுக்குத் தூக்குத் தண்டனை பெற்றுத் தர வேண்டும் என்பதே ஒட்டுமொத்த தமிழகத்தின் கோரிக்கையாக உள்ளது. இதனால் மக்கள் திமுக கட்சி மீது வைத்திருந்த நம்பிக்கையை இழந்து விட்டனர், யாரவது ஒருவர் புதிதாக வரவேண்டும். அவர் மூலமே இந்த பிரச்சனைக்கு தீர்வு கிட்டும் என்பதே மக்களின் நம்பிக்கையாக உள்ளது. இந்த நிகழ்வு இன்னும் 2 தினங்களில் நடக்கவுள்ள தேர்தலில் பெரும் மாற்றத்தையே கொண்டு வர வாய்ப்புகள் உள்ளது.
