உலகையே உலுக்கி வரும் உக்ரைன்-ரஷ்யா போரில், இதுவரை இல்லாத ஒரு மாபெரும் திருப்புமுனையாக, ஐரோப்பாவின் வல்லரசு நாடுகளான பிரான்ஸ், ஜெர்மனி மற்றும் பிரிட்டன் (E3 நாடுகள்) ஆகிய நாடுகளின் உயர்மட்ட தூதர்கள் ரஷ்யாவின் தலைநகர் மாஸ்கோவிற்குள் அதிரடியாக நுழைந்துள்ளனர். ரஷ்ய வெளியுறவுத்துறை துணை அமைச்சர் மிக்ஹைல் காலுசினுடன் (Mikhail Galuzin) இந்த தூதர்கள் நள்ளிரவில் ரகசியமாக நடத்திய பேச்சுவார்த்தை தற்பொழுது சர்வதேச அரங்கில் பெரும் பரப்பரப்பை ஏற்படுத்தியுள்ளது. லண்டனில் உக்ரைன் அதிபர் ஜெலென்ஸ்கியை ரகசியமாகச் சந்தித்த ஐரோப்பிய தலைவர்கள், அடுத்த சில மணி நேரங்களிலேயே மாஸ்கோவிற்கு தங்களது தூதர்களை அனுப்பி, போரை நிறுத்தவும், உடனடி போர்நிறுத்த ஒப்பந்தத்தை (Ceasefire) எட்டவும் ரஷ்யாவிற்கு நேரடி அழுத்தம் கொடுத்துள்ளனர்.
ஐரோப்பிய நாடுகள் இந்த அளவுக்கு பதற்றத்துடன் மாஸ்கோவை நோக்கி ஓட மிக முக்கிய காரணம், ரஷ்யாவின் மீது உக்ரைன் நடத்தி வரும் மிக ஆக்ரோஷமான வான்வழித் தாக்குதல்கள் தான். கடந்த 48 மணி நேரத்தில் மட்டும் உக்ரைனின் அதிநவீன நீண்டதூர டிரோன்கள் ரஷ்யாவின் எல்லையைத் தாண்டி, வோல்கோகிராட் (Volgograd) மற்றும் டாடர்ஸ்தான் (Tatarstan) பகுதிகளில் உள்ள மாபெரும் கச்சா எண்ணெய் சுத்திகரிப்பு நிலையங்கள் மற்றும் ‘தாமன்நெஃப்டேகஸ்’ (Tamanneftegaz) எரிசக்தி முனையங்களை முற்றிலும் குண்டுமழை பொழிந்து சாம்பலாக்கியுள்ளன. ரஷ்யாவின் 25-க்கும் மேற்பட்ட பிராந்தியங்களில் தற்பொழுது எரிபொருள் பற்றாக்குறை ஏற்பட்டு, ரஷ்ய பொருளாதாரத்தின் முதுகெலும்பான கச்சா எண்ணெய் சுத்திகரிப்பு கடந்த 20 ஆண்டுகளில் இல்லாத அளவுக்கு மிக மோசமான சரிவைச் சந்தித்துள்ளது. இதனால் ஆத்திரமடைந்துள்ள ரஷ்யா, அணுஆயுதங்களைப் பயன்படுத்தக்கூடும் என்ற அச்சம் ஐரோப்பாவை உலுக்கியுள்ளது.
இந்த போரின் பின்னணியில் ஐரோப்பிய நாடுகளின் முதுகில் இடியாய் விழுந்துள்ளது அமெரிக்காவின் ஒரு அதிரடி ரகசிய அறிக்கை. அமெரிக்கா தனது புதிய ‘தேசிய பாதுகாப்பு உத்தி 2026’ (National Defense Strategy 2026) திட்டத்தின்படி, ஐரோப்பிய நேட்டோ தளங்களில் நிலைநிறுத்தப்பட்டுள்ள தங்களது போர் விமானங்கள் (F-15 & F-16), அணுசக்தி நீர்மூழ்கிக் கப்பல்கள் மற்றும் கடற்படைக் கப்பல்களை மூன்றில் ஒரு பங்காகக் குறைக்க (Military Drawdown) அதிரடியாகத் திட்டமிட்டுள்ளது. அமெரிக்கா தங்களைக் கைவிட்டு, ஆசிய-பசிபிக் பிராந்தியத்தின் மீது கவனம் செலுத்தத் தொடங்குவதை உணர்ந்த பிரான்சும் ஜெர்மனியும், இனி தங்களது பாதுகாப்பைத் தாங்களே தான் பார்த்துக்கொள்ள வேண்டும் என்ற கட்டாயத்திற்குத் தள்ளப்பட்டுள்ளன.
அமெரிக்காவின் இந்த பின்வாங்கல் மற்றும் உக்ரைனின் கட்டுப்பாடற்ற டிரோன் தாக்குதல்களால், ரஷ்யா எந்நேரமும் ஐரோப்பாவின் மீது நேரடிப் போரைத் தொடுக்கலாம் என ரஷ்ய வெளியுறவு அமைச்சர் செர்ஜி லாவ்ரோவ் எச்சரித்திருந்தார். இதனால் பீதியடைந்த பிரான்ஸ் அதிபர் இம்மானுவேல் மக்ரோனும், ஜெர்மனி அதிபர் ஓலாஃப் ஷோல்ஸும் இணைந்து, அமெரிக்கா முழுமையாக வெளியேறுவதற்குள் ரஷ்யாவுடன் ஒரு சுமுகமான உடன்பாட்டை எட்ட இந்த ரகசிய தூதரக நகர்வை மேற்கொண்டுள்ளனர். உலகப் போரைத் தடுப்பதற்காக ஐரோப்பிய வல்லரசுகள் மாஸ்கோவின் இரும்புத் திரைக்குப் பின்னால் நடத்தி வரும் இந்த தூதரக சதுரங்கம், சர்வதேச அரசியலில் தற்பொழுது உச்சகட்ட பரபரப்பை ஏற்படுத்தியுள்ளது.
