தமிழக முதல்வராகப் பொறுப்பேற்ற பிறகு முதல்முறையாகக் கேரள மாநிலத்திற்கு அதிகாரப்பூர்வப் பயணம் மேற்கொள்ளும் முதலமைச்சர் சி. ஜோசப் விஜய், கோவையில் அமைக்கப்பட்டுள்ள பிரம்மாண்டமான ‘பெரியார் அறிவுலகம் மற்றும் ஆராய்ச்சி மையத்தைத்’ திறந்து வைக்கிறார். கோவை காந்திபுரத்தில் ரூ.300 கோடி மதிப்பில் கட்டப்பட்டுள்ள இந்த அறிவுலக வளாகத்தில் நவீன நூலகம், அறிவியல் மையம் மற்றும் மாணவர்களுக்கான போட்டித் தேர்வு பயிற்சி மையங்கள் அமைக்கப்பட்டுள்ளன.
இந்தத் திறப்பு விழா நிகழ்ச்சிகளை முடித்துக்கொண்டு, கோவையிலிருந்து ஹெலிகாப்டர் மூலம் அவர் கேரள மாநிலம் திருச்சூருக்குப் பயணம் மேற்கொள்கிறார். திருச்சூருக்குச் செல்லும் முதல்வர் விஜய், அங்குள்ள வரலாற்றுச் சிறப்புமிக்க குருவாயூர் ஸ்ரீ கிருஷ்ணர் கோயிலுக்குச் சென்று வழிபாடு நடத்த உள்ளார்.
மேலும், திருச்சூரில் உள்ள பிரபல தொழில் நிறுவனமான கல்யாண் ஜுவல்லர்ஸ் குழுமத்தின் சார்பில் நடைபெறும் நவரத்திரி விழா மற்றும் சிறப்பு நிகழ்ச்சிகளிலும் அவர் கலந்துகொண்டு சிறப்பிக்கவுள்ளார். ஆந்திரப் பிரதேசத்திற்குப் பயணம் மேற்கொண்டு அங்குள்ள கனக துர்கா கோயிலில் தரிசனம் செய்ததைத் தொடர்ந்து, தற்போது முதல்வரின் கேரளா பயணம் அரசியல் மற்றும் ஆன்மீக வட்டாரத்தில் கவனம் பெற்றுள்ளது.
கோவில் வழிபாடுகள் மற்றும் தனிப்பட்ட நிகழ்ச்சிகளை முடித்துக்கொண்டு, திருச்சூரில் இருந்து ஹெலிகாப்டர் மூலம் மீண்டும் கோவை திரும்பும் அவர், அங்கிருந்து தனி விமானம் மூலம் சென்னைக்குப் புறப்பட உள்ளார்.
இந்தத் தொடர் மாநிலங்களுக்கு இடையேயான பயணங்கள் மற்றும் ஆன்மீகப் பயணங்கள் பொதுமக்களிடையே பெரும் எதிர்பார்ப்பை ஏற்படுத்தியுள்ளன.
