அமெரிக்க ராணுவத்தின் முன்னாள் ஸ்னைப்பர் வீரரான நிக் பெட்ஸ் (Nick Betts), ‘லிபர்ட்டி ரிஸ்க்’ (Liberty Risk) போட்காஸ்ட் நிகழ்ச்சியில் கலந்துகொண்டு பேசியபோது இந்தத் தகவலை வெளியிட்டுள்ளார். நெவாடா மாகாணத்தில் உள்ள ஏரியா 51 பகுதிக்கு அருகில் உள்ள நிலத்தடி இரகசிய தளத்தில் அமெரிக்காவின் கூட்டுப் படைப் பிரிவினர் (JSOC) இந்தச் சோதனையை நடத்தியதாக அவர் கூறியுள்ளார். மனிதர்களைப் போன்றல்லாமல் ஊர்வன போன்ற தோற்றத்தைக் கொண்டிருந்த மூன்று உயிரினங்களுடன் நடைபெற்ற இந்த மோதலில், ஒரு அமெரிக்க வீரரும் உயிரிழந்ததாக அவர் குறிப்பிட்டுள்ளார்.
இந்த இரகசிய மோதலின் போது உயிரிழந்த வீரரின் மரணம் பயிற்சி விபத்து என்று மறைக்கப்பட்டதாகவும், அவரது உடல் உடனடியாக எரிக்கப்பட்டதாகவும் நிக் பெட்ஸ் தெரிவித்துள்ளார். வழக்கமான ஆயுதங்களுக்குப் பதிலாக ஆற்றல் சார்ந்த சிறப்பு ஆயுதங்கள் (directed-energy weapons) இந்தத் தாக்குதலுக்குப் பயன்படுத்தப்பட்டதாகத் தனக்குத் தகவல்கள் கிடைத்ததாக அவர் கூறியுள்ளார். எனினும், இந்த விவகாரம் தொடர்பான எந்தவொரு அதிகாரப்பூர்வமான ராணுவ ஆவணங்களோ அல்லது உறுதிப்படுத்தப்பட்ட சான்றுகளோ இதுவரை வெளியிடப்படவில்லை.
இது போன்ற விசித்திரமான மற்றும் நம்ப முடியாத தகவல்கள் பரவி வருவது குறித்து அமெரிக்க ராணுவமோ அல்லது வெள்ளை மாளிகையோ இதுவரை எந்தவிதமான அதிகாரப்பூர்வ விளக்கங்களையும் அளிக்கவில்லை. ஏரியா 51 பகுதி தொடர்பாகப் பல ஆண்டுகளாகப் பல்வேறு கற்பனைக் கதைகளும் விண்கலம் குறித்த வதந்திகளும் நிலவி வருவது குறிப்பிடத்தக்கது.
இந்த விவகாரம் குறித்த உண்மைத் தன்மைகள் எவையும் உறுதிப்படுத்தப்படாத நிலையில், சமூக வலைதளங்களில் இது தொடர்பான விவாதங்கள் தீவிரமடைந்துள்ளன.
