தமிழகத்தில் தமிழக வெற்றிக் கழகத்தின் (தவெக) ஆட்சி நிலவி வரும் சூழலில், முதலமைச்சர் விஜய்யின் அரசியல் நகர்வுகள் மற்றும் தேசிய அளவிலான தாக்கம் குறித்துத் தவெக அமைச்சரவையில் இடம்பெற்றுள்ள அமைச்சர் ஸ்ரீநாத் சட்டப்பேரவையிலும் பொது மேடைகளிலும் புகழ்ந்து பேசி வருவது அரசியல் களவில் பெரும் வைரலாகி வருகிறது. “தலைவர் டெல்லிக்குச் சென்றாலும் சரி, அல்லது தேசிய தலைவர்கள் இங்கு வந்தாலும் சரி, அனைவரின் பார்வையும் போகஸும் விஜய் மீது மட்டுமே இருக்கிறது” என்று அவர் உற்சாகமாகத் தெரிவித்துள்ளார்.
சமீபத்தில் நடைபெற்ற சட்டமன்ற விவாதத்தின் போது மற்றும் செய்தியாளர்கள் சந்திப்பில் பேசிய அமைச்சர் ஸ்ரீநாத், முதலமைச்சர் விஜய்யின் ஆளுமையையும் அவரது மக்கள் செல்வாக்கையும் வெளிப்படுத்தும் வகையில் பாட்டு பாடித் தனது மகிழ்ச்சியைப் பகிர்ந்து கொண்டார். “இன்றைக்குத் தமிழக அரசியலைத் தாண்டி தேசிய அரசியலிலும் விஜய்யின் பெயர் எதிரொலிக்கிறது; இன்றைக்குத் தமிழகம் அவரது கையில் இருக்கிறது என்றால், நாளைக்கு டெல்லியே அவரோடது தான்” என்ற கருத்தை வலியுறுத்தும் வகையில் அவர் பாடிய வரிகள் தவெக தொண்டர்கள் மத்தியில் பெரும் வரவேற்பைப் பெற்றுள்ளன.
மத்திய அரசுடனான மாநில உரிமைகள் தொடர்பான பேச்சுவார்த்தைகள் மற்றும் தேசிய அளவிலான அரசியல் கூட்டணிகள் குறித்த விவாதங்கள் டெல்லியில் சூடுபிடித்துள்ள நிலையில், முதலமைச்சர் விஜய்யின் அதிரடித் தீர்மானங்களும் நிலைப்பாடுகளும் வடமாநில ஊடகங்களின் கவனத்தையும் ஈர்த்துள்ளன. இதனைச் சுட்டிக்காட்டியே அமைச்சர் ஸ்ரீநாத், டெல்லி அரசியல் வட்டாரத்திலும் தமிழக முதலமைச்சரின் செல்வாக்கு அதிகரித்து வருவதாகப் பெருமிதத்துடன் குறிப்பிட்டுள்ளார்.
அமைச்சரின் இந்த சுவாரசியமான பேச்சு மற்றும் பாட்டு தொடர்பான வீடியோக்கள் தற்போது சமூக வலைதளங்களில் ட்ரெண்டாகி வருகின்றன. தவெக அமைச்சர்கள் மற்றும் எம்.எல்.ஏ-க்கள் முதலமைச்சர் விஜய்யின் அரசியல் தலைமையைக் கொண்டாடி வரும் அதே வேளையில், மாநில நிர்வாகம் மற்றும் திட்டங்களைச் செயல்படுத்துவதில் கூடுதல் கவனம் செலுத்த வேண்டும் என எதிர்க்கட்சிகள் விமர்சித்து வருகின்றன.
