பிரிட்டனின் வடகிழக்கு பகுதியான மிஃடில்ஸ்பரோ (Middlesbrough) அருகே உள்ள A66 நெடுஞ்சாலையில், அதிகாலை வேளையில் நடைபெற்ற கொடூர சாலை விபத்தில் 2 காவல் அதிகாரிகள் உட்பட 7 பேர் சம்பவ இடத்திலேயே பரிதாபமாக உயிரிழந்தனர். சவுத் பேங்க் பகுதி அருகே ரோந்து பணியில் ஈடுபட்டிருந்த காவல் துறையினர் சந்தேகத்திற்கு இடமான வாகனம் ஒன்றை விரட்டிச் சென்றபோது (Police Pursuit) இந்த எதிர்பாராத பேரழிவு நிகழ்ந்துள்ளது.
சம்பவத்தன்று அதிகாலை 3:39 மணியளவில், 5 பேருடன் பயணித்த வோக்ஸ்வேகன் பாஸாட் (Volkswagen Passat) ரக கார் ஒன்று,A66 நெடுஞ்சாலையில் தவறான திசையில் (Wrong Way) அதிவேகமாக நுழைந்துள்ளது. அப்போது சரியான திசையில் ரோந்து வந்த ரோந்து காவல் வாகனத்தின் மீது அந்த கார் நேருக்கு நேர் மோதி பயங்கர விபத்துக்குள்ளானது. இதில் இரு வாகனங்களும் நொறுங்கித் தவிடுபொடியாயின.
இந்த கோர விபத்தில் காவல் வாகனத்தில் இருந்த மேத்யூ பிளேட்ஸ் (Matthew Blades) மற்றும் டாம் க்ளாஃப் (Tom Clough) ஆகிய இரு இளம் போலிஸ் அதிகாரிகளும், காரில் பயணித்த பொதுமக்கள் 5 பேரும் சம்பவ இடத்திலேயே உயிரிழந்ததாகக் உறுதி செய்துள்ளது. கடமை ஆற்றியபோது அதிகாரிகளைப் பறிகொடுத்த சம்பவம் பிரிட்டன் காவல் துறை வட்டாரத்தில் பெரும் சோகத்தை ஏற்படுத்தியுள்ளது.
தகவலறிந்து வந்த மீட்புக் குழுவினர் உடல்களை மீட்டுப் பிரேதப் பரிசோதனைக்கு அனுப்பி வைத்தனர். இச்சம்பவம் குறித்துத் தனிப்படை அமைத்து விசாரணையைத் தொடங்கியுள்ள அதிகாரிகள், சுவாரசியமற்ற வதந்திகளைப் பரப்ப வேண்டாம் எனக் கேட்டுக்கொண்டுள்ளனர். மேலும் காவல் துறை ரோந்தின் போது நடைபெற்ற மரணம் என்பதால், சுதந்திர காவல் நடத்தை ஆணையமும் (IOPC) இச்சம்பவம் குறித்துத் தனியாகத் தீவிர விசாரணை மேற்கொண்டு வருகிறது.
