பிரிட்டனில் வீடற்ற மக்களின் தங்குமிடப் பிரச்சினையைத் தீர்ப்பதற்காகக் கப்பல் கன்டெய்னர்கள் (Shipping Container Pods) மூலம் சிறிய ரக வீடுகள் அமைத்துத் தரும் திட்டம் அறிமுகப்படுத்தப்பட்டது. ஆனால், இந்த கன்டெய்னர் குடியிருப்புகள் அமைந்துள்ள பகுதிகளுக்கு அருகே வசிக்கும் மக்கள் தங்களுக்குக் கடுமையான அசௌகரியங்கள் ஏற்படுவதாகத் தெரிவித்துள்ளனர். போதைப்பொருளுக்கு அடிமையான நபர்களின் அத்துமீறல்களாலும், தோட்டப் பகுதிகளில் அவர்கள் செய்யும் அநாகரிகச் செயல்களாலும் தங்களின் இயல்பு வாழ்க்கை கடுமையாகப் பாதிக்கப்பட்டுள்ளதாக அப்பகுதி மக்கள் புகார் அளித்துள்ளனர்.
ஆரம்பத்தில் வீடற்றவர்களுக்குக் கனவுத் திட்டமாக விளம்பரப்படுத்தப்பட்ட இந்த திட்டம், முறையான பராமரிப்பும் கண்காணிப்பும் இல்லாததால் தற்போது அப்பகுதி மக்களுக்குப் பெரும் தொந்தரவாக மாறியுள்ளது. அப்பகுதியில் சட்டவிரோதச் செயல்கள் மற்றும் சமூக விரோத நடத்தைகள் அதிகரித்து வருவதாகவும், பாதுகாப்பு அச்சுறுத்தல் நிலவுவதாகவும் அக்கம் பக்கத்தினர் கவலை தெரிவித்துள்ளனர். இத்தகைய தற்காலிகக் குடியிருப்புகளால் ஏற்பட்டும் சுகாதாரச் சீர்கேடுகள் குறித்தும் உள்ளாட்சி நிர்வாகத்தின் கவனம் ஈர்க்கப்பட்டுள்ளது.
இந்த விவகாரத்தில் உள்ளாட்சி அமைப்புகளும் காவல்துறையும் உடனடியாகத் தலையிட்டு அப்பகுதியில் பாதுகாப்பை பலப்படுத்த வேண்டும் எனப் பொதுமக்கள் வலியுறுத்தியுள்ளனர். பாழடைந்து வரும் இந்தச் சூழலைச் சீரமைக்கக் கடுமையான நடைமுறைகளைக் கொண்டுவர அரசு ஆலோசித்து வருகிறது.
