Source: Trump launches strikes on ISIS targets in Nigeria
நைஜீரியாவின் வடமேற்குப் பகுதியில் செயல்பட்டு வரும் ஐஎஸ் (ISIS) பயங்கரவாதிகள் மீது அமெரிக்க விமானப்படை மிகக்கடுமையான வான்வழித் தாக்குதலை நடத்தியுள்ளது. அமெரிக்க அதிபர் டொனால்ட் ட்ரம்ப் மற்றும் அமெரிக்க ராணுவத்தின் ஆப்பிரிக்கப் பிரிவு (AFRICOM) இதனை உறுதிப்படுத்தியுள்ளன.
நைஜீரிய அரசின் வேண்டுகோளுக்கு இணங்கவே இந்தத் தாக்குதல் நடத்தப்பட்டதாகத் தெரிவிக்கப்பட்டுள்ளது. நைஜீரியாவில் நீண்டகாலமாக அப்பாவி கிறிஸ்தவ மக்கள் குறிவைத்துக் கொல்லப்படுவதைத் தடுக்கவே இந்த அதிரடி நடவடிக்கையை எடுத்ததாக அதிபர் ட்ரம்ப் தனது சமூக வலைதளப் பக்கத்தில் பதிவிட்டுள்ளார்.
"தலைமைத் தளபதி என்ற முறையில் எனது உத்தரவின் பேரில், நைஜீரியாவில் கிறிஸ்தவர்களைக் கொடூரமாகக் கொலை செய்து வரும் ஐஎஸ் பயங்கரவாத கும்பல் மீது சக்திவாய்ந்த மற்றும் உயிரைப் பறிக்கும் தாக்குதலை அமெரிக்கா நடத்தியுள்ளது" என்று ட்ரம்ப் குறிப்பிட்டுள்ளார்.
பல நூற்றாண்டுகளாக இல்லாத அளவிற்குக் கிறிஸ்தவர்கள் மீது வன்முறை கட்டவிழ்த்து விடப்பட்டுள்ளதாகவும், கிறிஸ்தவ மதத்திற்கு நைஜீரியாவில் 'இருத்தலியல் அச்சுறுத்தல்' (Existential threat) ஏற்பட்டுள்ளதாகவும் அவர் எச்சரித்துள்ளார். இந்தத் தாக்குதலில் பல ஐஎஸ் பயங்கரவாதிகள் கொல்லப்பட்டதாக அமெரிக்க ராணுவம் தெரிவித்துள்ளது.
இந்தத் தாக்குதலுக்கு முன்னதாக, கடந்த நவம்பர் மாத இறுதியில் இருந்தே நைஜீரியாவின் வான்பரப்பில் அமெரிக்க உளவு விமானங்கள் தீவிரக் கண்காணிப்பில் ஈடுபட்டு வந்ததாக ராய்ட்டர்ஸ் செய்தி நிறுவனம் தெரிவித்துள்ளது. நைஜீரியாவில் வடக்குப் பகுதியில் முஸ்லிம்களும், தெற்குப் பகுதியில் கிறிஸ்தவர்களும் பெரும்பான்மையாக வசிக்கின்றனர்.
ஆயுதக் குழுக்கள் மதம் பார்க்காமல் அனைவரையும் தாக்குவதாகவும், கிறிஸ்தவர்கள் மட்டும் துன்புறுத்தப்படுவதாக அமெரிக்கா கூறுவது நைஜீரியாவின் சிக்கலான பாதுகாப்புச் சூழலை மிகைப்படுத்துவது போல இருப்பதாகவும் நைஜீரிய அரசு முன்பு கூறியிருந்தது. இருப்பினும், பயங்கரவாதத்தை ஒழிக்க அமெரிக்காவுடன் இணைந்து செயல்பட தற்போது சம்மதித்துள்ளது.
இந்த வான்வழித் தாக்குதல் சர்வதேச அளவில் பெரும் விவாதத்தை ஏற்படுத்தியுள்ளது. நைஜீரியாவில் மதச் சுதந்திரத்தைப் பாதுகாப்பதில் அந்நாட்டு அரசு தோல்வியடைந்துவிட்டதாக ட்ரம்ப் குற்றம் சாட்டி வந்த நிலையில், இந்த ராணுவத் தலையீடு நிகழ்ந்துள்ளது. பயங்கரவாத ஒழிப்பு என்ற பெயரில் அமெரிக்கா நேரடியாக ஆப்பிரிக்க நாடுகளின் உள்விவகாரங்களில் தலையிடுவது குறித்து சில நாடுகள் கவலை தெரிவித்துள்ளன. அதே சமயம், தொடர் வன்முறையால் பாதிக்கப்பட்டிருக்கும் நைஜீரிய கிறிஸ்தவ சமூகத்தினர் இந்தத் தாக்குதலைத் தங்களின் பாதுகாப்பிற்கான ஒரு முக்கிய