ஈரானில் ரத்த ஆறு! 36,500 பேர் படுகொலையா ? உலுக்கும் படங்கள் வெளியானது !

ஈரானில் நிலவும் இஸ்லாமிய ஆட்சிக்கு எதிராகப் போராடி வரும் மக்கள் மீது, அந்நாட்டின் உச்ச தலைவர் ஆயதுல்லா அலி கமேனி (Ayatollah Ali Khamenei) "இரக்கம் காட்டாதீர்கள்" (Show no mercy) என்று தனது மரணப் படைகளுக்கு (Death Squads) உத்தரவிட்டுள்ளார். இந்த உத்தரவைத் தொடர்ந்து, கடந்த ஜனவரி 8 மற்றும் 9 ஆகிய இரண்டு நாட்களில் மட்டும் சுமார் 36,500 சுதந்திரப் போராட்ட வீரர்கள் ஈவு இரக்கமின்றி சுட்டுக் கொல்லப்பட்டதாக அதிர்ச்சியூட்டும் தகவல்கள் வெளியாகியுள்ளன. நாடு முழுவதும் இணைய சேவை (Internet Blackout) துண்டிக்கப்பட்டுள்ள நிலையில், இந்த ரத்த சரித்திரத்தின் உண்மை முகங்கள் இப்போது மெல்ல மெல்ல கசியத் தொடங்கியுள்ளன.

இந்த அடக்குமுறையின் உச்சகட்டமாகக் கமேனியின் 'ரிபப்ளிக்கன் கார்டு' (Republican Guard) மற்றும் 'பாசிஜ்' (Basij) படையினர், போராட்டத்தில் ஈடுபடும் குழந்தைகளின் கண்களைத் துப்பாக்கியால் சுட்டு வேண்டுமென்றே குருடாக்கி வருகின்றனர் (Deliberately blinding children). தெஹ்ரானில் உள்ள ஃபாராபி (Farabi) கண் மருத்துவமனையில் ஒரே இரவில் மட்டும் 500-க்கும் மேற்பட்டோர் கண் காயங்களுடன் அனுமதிக்கப்பட்டுள்ளனர். ஒரு 13 வயது சிறுவனின் இரண்டு கண்களையும் அகற்ற வேண்டிய சூழலுக்குத் தள்ளப்பட்ட அறுவை சிகிச்சை நிபுணர் ஒருவர், "இதைப் பார்த்த பிறகு நான் உயிரோடு இருப்பதற்கே வெட்கப்படுகிறேன்" என்று கண்ணீர் மல்கக் கூறியுள்ளார்.

இந்தக் கொடூரத் தாக்குதலில் 100,000-க்கும் அதிகமான பாலோவர்களைக் கொண்ட பிரபல இன்ஸ்டாகிராம் இன்ஃப்ளூயன்சர் டயானா பஹதூர் (Diana Bahador) சுட்டுக் கொல்லப்பட்டிருப்பது இளைஞர்களிடையே பெரும் கொந்தளிப்பை ஏற்படுத்தியுள்ளது. மருத்துவமனைகளில் பிணங்களை வைக்க இடமில்லாததால், குப்பை லாரிகளில் உடல்கள் ஏற்றப்பட்டு அள்ளிக்கொண்டு செல்லப்படுகின்றன. கஹ்ரிசாக் (Kahrizak) பிணவறையில் தனது மகனின் உடலைத் தேடி அலைந்த தந்தை ஒருவர், "கமேனி, நீ ஒரு குற்றவாளி!" என்று ஆக்ரோஷமாகக் கத்தும் வீடியோ உலகையே உலுக்கி வருகிறது.

ஈரானின் பாதுகாப்பு கவுன்சில் தரப்பிலிருந்தே கசிந்துள்ள தகவல்கள், பலி எண்ணிக்கை 36,500-ஐத் தாண்டியுள்ளதை உறுதிப்படுத்துகின்றன. சுமார் 7,400 பேர் கண் பார்வையை இழந்துள்ள நிலையில், ஈரானியத் தெருக்களில் ராணுவ டாங்கிகளும், டிரோன்களும் ரோந்து சுற்றி வருகின்றன. உலக நாடுகள் இந்தக் கொடூரத்தைப் பார்த்துக் கொண்டு மௌனம் காப்பது குற்றத்திற்குத் துணை போவதற்குச் சமம் என்று மனித உரிமை ஆர்வலர்கள் எச்சரித்துள்ளனர். ஈரான் இப்போது ஒரு திறந்தவெளி சுடுகாடாக (Dark Killing Field) மாற்றப்பட்டுள்ளதாக அங்கிருந்து வரும் செய்திகள் தெரிவிக்கின்றன