'புதிய கீதை' முதல் 'ஜனநாயகன்' வரை - தளபதியை குறிவைக்கும் தடைகளும்.. தகர்க்கப்பட்ட சதிகளும்!

புதிய கீதை (2003): முதலில் 'கீதை' என்று பெயரிடப்பட்ட இப்படத்திற்கு, விஜய் ஒரு கிறிஸ்துவர் என்பதால் அந்தப் பெயரை வைக்கக் கூடாது என இந்து அமைப்புகள் போர்க்கொடி தூக்கின. இறுதியில் பெயர் 'புதிய கீதை' என மாற்றப்பட்டது.
துப்பாக்கி (2012): இஸ்லாமியர்களை தவறாக சித்தரிப்பதாக எழுந்த புகாரால் போராட்டங்கள் வெடித்தன. சில காட்சிகள் நீக்கப்பட்ட பிறகே படம் வெளியானது.

தலைவா (2013): "Time to Lead" என்ற வாசகம் அப்போதைய ஆளுங்கட்சியை அதிர வைத்தது. வெடிகுண்டு மிரட்டல், தமிழக அரசின் தடை எனப் பெரும் போராட்டத்திற்குப் பின் 11 நாட்கள் கழித்தே தமிழகத்தில் வெளியானது.
மெர்சல் (2017): ஜிஎஸ்டி மற்றும் டிஜிட்டல் இந்தியா பற்றிய வசனங்கள் பாஜகவினரை கொதிப்படையச் செய்தன. எச். ராஜா விஜய்யை 'ஜோசப் விஜய்' என குறிப்பிட்டு மதச் சாயத்தைப் பூச முயன்றது தேசிய அளவில் விவாதமானது.
சர்க்கார் (2018): இலவசப் பொருட்களைத் தீயிட்டுக் கொளுத்தும் காட்சியால் அதிமுக அரசு கொதித்தெழுந்தது. இயக்குனர் முருகதாஸ் மீது வழக்குத் தொடரப்பட்டு, காட்சிகள் நீக்கப்பட்டன.

புலி (2015) & மாஸ்டர் (2021): 'புலி' ரிலீஸ் நாளில் ஐடி ரெய்டு நடந்தது. 'மாஸ்டர்' படப்பிடிப்பின் போது நெய்வேலிக்கே சென்ற வருமான வரித்துறை அதிகாரிகள், விஜய்யை விசாரணைக்காக அழைத்துச் சென்றது ரசிகர்களிடையே பெரும் கொந்தளிப்பை ஏற்படுத்தியது.
பீஸ்ட் (2022): பாகிஸ்தான் தீவிரவாதிகள் தொடர்பான காட்சிகளுக்காக குவைத் மற்றும் கத்தார் நாடுகளில் இப்படம் தடை செய்யப்பட்டது.

வாரிசு & லியோ (2023): தெலுங்கு தயாரிப்பாளர் சங்கம் மற்றும் தமிழக அரசின் அதிகாலை காட்சி மறுப்பு எனப் பல நெருக்கடிகளை விஜய் சந்தித்தார். லியோவின் ட்ரெய்லர் வசனம் சென்சார் கத்தரிக்கு ஆளானது.
ஜனநாயகன் (2026): தற்போது ரிலீசுக்குத் தயாராகியுள்ள 'ஜனநாயகன்' படத்திற்கு சென்சார் போர்டு சான்றிதழ் அளிக்கத் தாமதம் செய்துள்ளதால், வழக்கு நீதிமன்றம் வரை சென்றுள்ளது. ஜனவரி 9-ம் தேதி வெளியாக வேண்டிய படத்தின் ரிலீஸ் தள்ளிப்போகும் சூழல் உருவாகியுள்ளதால் ரசிகர்கள் கடும் அதிர்ச்சியில் உள்ளனர்.

"ரத்தமா போகுதுப்பா, என்னை விட்ராதப்பா.." - மாணவியின் கடைசி நிமிடக் கதறல்!