CBI’s QUESTIONS TO TVK leader VIJAY:
1. Why did you reach 7 hours late?
2. Why no water bottles for crowd?
3. Why breach pact with cops on rally?
4. How many meetings on Karur rally?
5. Who did you meet for Karur rally?
6. Why timing of rally was changed?
7. Why no proper crowd management?
தமிழக அரசியலில் பெரும் புயலைக் கிளப்பிய கரூர் பொதுக்கூட்ட நெரிசல் விவகாரத்தில், 41 உயிர்கள் பலியான சம்பவம் தொடர்பாக இன்று டெல்லியில் உள்ள சிபிஐ தலைமையகத்தில் நடிகர் விஜய் ஆஜரானார்.
விசாரணையில் கேட்கப்பட்ட முதல் கேள்வியே, "ஏன் திட்டமிட்ட நேரத்தை விட 7 மணி நேரம் தாமதமாக வந்தீர்கள்?" என்பது தான். 12 மணிக்கு வருவதாக சொல்லிவிட்டு மாலை 7 மணிக்கு வந்ததால் தான் கூட்டம் கட்டுக்கடங்காமல் பெருகியதா என்ற கோணத்தில் அதிகாரிகள் துளைத்தெடுத்துள்ளனர். அடுத்ததாக, "லட்சக்கணக்கான மக்கள் திரண்ட அந்த இடத்தில் ஏன் குடிநீர் பாட்டில்கள் கூட விநியோகம் செய்யப்படவில்லை?" மற்றும் "போலீசாருடன் செய்துகொண்ட ஒப்பந்தத்தை மீறி ஏன் பொதுமக்களுக்கு இடையூறு செய்யும் வகையில் வழித்தடம் மாற்றப்பட்டது?" போன்ற கேள்விகளால் விஜய்க்குப் பெரும் நெருக்கடி கொடுக்கப்பட்டுள்ளது.
அதுமட்டுமில்லாமல், கரூர் கூட்டத்திற்காக எத்தனை முறை ஆலோசனை கூட்டங்கள் நடத்தப்பட்டது? அந்தத் திட்டமிடலில் யார் யாருக்கெல்லாம் தொடர்பு இருந்தது? மற்றும் கடைசி நேரத்தில் கூட்டத்தின் நேரத்தை மாற்றியது ஏன்? என அடுக்கடுக்கான கேள்விகள் கேட்கப்பட்டுள்ளன. குறிப்பாக, "முறையான கூட்ட மேலாண்மை (Crowd Management) இல்லாததற்கு யார் பொறுப்பு?" என்று அதிகாரிகள் கேட்டபோது, விஜய் அமைதியாகவும், சில கேள்விகளுக்குத் தனது தரப்பு விளக்கங்களையும் அளித்ததாகத் தகவல்கள் தெரிவிக்கின்றன. 41 பேர் உயிரிழந்த இந்தத் துயரச் சம்பவத்தில் பொறுப்புத் துறப்பு செய்ய முடியாது என்பதில் சிபிஐ உறுதியாக உள்ளது.
இந்த விசாரணைக்குப் பிறகு விஜய் தரப்பு வழக்கறிஞர்கள், "நாங்கள் முழு ஒத்துழைப்பு கொடுத்து வருகிறோம்" என்று கூறினாலும், சிபிஐ அதிகாரிகள் இந்த பதில்களை வைத்து அடுத்தகட்டமாக குற்றப்பத்திரிகை (Charge Sheet) தாக்கல் செய்யத் தயாராகி வருகின்றனர்.