அமெரிக்க அதிபர் டொனால்ட் ட்ரம்ப் ஈரானுக்கு விதித்த காலக்கெடு முடிய இன்னும் சில தினங்களே உள்ள நிலையில், நடுக்கடலில் உள்ள அமெரிக்க விமானம் தாங்கி கப்பல்களில் அரங்கேறியுள்ள ஒரு சம்பவம் ஈரானியத் தலைமைக்குத் தூக்கமில்லாத இரவுகளைக் கொடுத்துள்ளது. அமெரிக்காவின் 'யுஎஸ்எஸ் ஜெரால்ட் ஆர். ஃபோர்டு' (USS Gerald R. Ford) கப்பலில் உள்ள ஆயிரக்கணக்கான வீரர்களுக்கு 'ஸ்டீக் மற்றும் லாப்ஸ்டர்' (Steak and Lobster) அடங்கிய தடபுடல் விருந்து வழங்கப்பட்டுள்ளது. இது வெறும் கொண்டாட்ட உணவு அல்ல; அமெரிக்க ராணுவ வரலாற்றில் இது ஒரு 'மரண அறிவிப்பாகவே' பார்க்கப்படுகிறது.

அமெரிக்க ராணுவ மரபுப்படி, ஒரு பெரிய போர் தொடங்கப்போகிறது அல்லது வீரர்கள் மிக ஆபத்தான பகுதிக்கு அனுப்பப்படப் போகிறார்கள் என்பதற்கு இந்த ஆடம்பர விருந்தே முதல் அறிகுறியாகும். கடந்த காலங்களில் ஈராக் போர், வளைகுடாப் போர் மற்றும் காசிம் சுலைமானி கொல்லப்பட்ட சம்பவங்களுக்கு முன்னதாக இதேபோல் வீரர்களுக்கு 'ஸ்டீக்' விருந்து வழங்கப்பட்டது. எப்போதெல்லாம் சாதாரண உணவுக்குப் பதிலாக விலையுயர்ந்த கடல் உணவுகள் வழங்கப்படுகிறதோ, அப்போதெல்லாம் அடுத்த சில மணிநேரங்களில் 'ஏவுகணைகள் பாயும்' என்பது ராணுவ வீரர்களிடையே நிலவும் எழுதப்படாத விதியாகும்.

ஈரானின் உச்ச தலைவர் ஆயதுல்லா அலி காமெனிக்கு இந்த விருந்துச் செய்தி ஒரு நேரடி 'வார்னிங்' ஆகும். ட்ரம்ப் நிர்வாகம் ஏற்கனவே ஈரானின் அணுசக்தி மையங்கள் மீது 'வரையறுக்கப்பட்ட தாக்குதலை' நடத்தத் தயார் நிலையில் உள்ளது. தற்போது வீரர்களுக்கு இந்த 'கடைசி விருந்து' (Last Meal) வழங்கப்பட்டிருப்பதன் மூலம், தாக்குதலுக்கான இறுதி உத்தரவில் ட்ரம்ப் கையெழுத்திட்டுவிட்டார் என்பதையே இது உணர்த்துவதாகப் பாதுகாப்புத் துறை ஆய்வாளர்கள் கருதுகின்றனர். இந்தச் செய்தி கசிந்ததில் இருந்து ஈரானிய ராணுவம் தனது வான் பாதுகாப்பு அமைப்புகளை உச்சகட்ட தயார் நிலைக்கு மாற்றியுள்ளது.

"அமெரிக்க வீரர்கள் லாப்ஸ்டர் சாப்பிடுகிறார்கள் என்றால், ஈரானில் ஏதோ ஒன்று வெடிக்கப்போகிறது என்று அர்த்தம்" எனச் சமூக வலைதளங்களில் பலரும் பதிவிட்டு வருகின்றனர். "புயலுக்குப் பின் அமைதி" (Calm before the storm) என வர்ணிக்கப்படும் இந்தத் தருணம், மத்திய கிழக்கு பிராந்தியத்தையே ஒரு மாபெரும் போர் மேகத்திற்குள் தள்ளியுள்ளது. ட்ரம்ப் கொடுத்த 10 நாள் காலக்கெடு இன்றுடன் முடிவடையும் நிலையில், இந்த 'ஸ்டீக்' விருந்து எப்போது வேண்டுமானாலும் ஏவுகணைத் தாக்குதலாக மாறலாம் என எதிர்பார்க்கப்படுகிறது.