பிரித்தானியாவின் ஆஸ்கர் விருது என்று அழைக்கப்படும் பாஃப்டா (BAFTA) விருது வழங்கும் விழா, லண்டனில் உள்ள ராயல் ஃபெஸ்டிவல் ஹாலில் (Royal Festival Hall) மிகப்பிரமாண்டமாக நடைபெற்றது. இந்த விழாவில் ஹாலிவுட் ஜாம்பவான் லியோனார்டோ டிகாப்ரியோ, எம்மா ஸ்டோன், சிலியன் மர்பி மற்றும் டிமோதி சாலமே உள்ளிட்ட உலகப்புகழ் பெற்ற நட்சத்திரங்கள் சிவப்பு கம்பளத்தில் அணிவகுத்தனர். ஸ்காட்லாந்து நடிகர் ஆலன் கம்மிங் (Alan Cumming) இந்த விழாவைத் தனது கலகலப்பான நகைச்சுவையுடன் தொகுத்து வழங்கினார். இதில் இந்திய நடிகை ஆலயா பட் அவர்களும் கலந்து கொண்டு சிறப்பித்தார். வெள்ளை இன மக்களே பார்த்து மிரண்டு போகும் அளவு அவர் அழகான உடையில் காட்ச்சி தந்தார். 

இந்த ஆண்டு விருதுப் பட்டியலில் ரையன் கூக்ளரின் 'Sinners' மற்றும் பால் தாமஸ் ஆண்டர்சனின் 'One Battle After Another' ஆகிய படங்கள் அதிக பிரிவுகளில் முன்னிலை வகித்தன. சிறந்த நடிகருக்கான போட்டியில் டிமோதி சாலமே மற்றும் லியோனார்டோ டிகாப்ரியோ இடையே கடும் போட்டி நிலவிய நிலையில், 'The Brutalist' படத்திற்காக ஏட்ரியன் பிராடி (Adrien Brody) சிறந்த நடிகருக்கான விருதைத் தட்டிச் சென்றார். சிறந்த நடிகையாக 'Hamnet' படத்திற்காக ஜெஸ்ஸி பக்லி (Jessie Buckley) தேர்வு செய்யப்பட்டார்.

சிறந்த படத்திற்கான விருதை 'Hamnet' திரைப்படம் வென்றது, இது வில்லியம் ஷேக்ஸ்பியரின் மகனின் கதையை மையமாகக் கொண்டது. சிறந்த துணை நடிகைக்கான விருதை 'Sinners' படத்திற்காக வுன்மி மொசாகு (Wunmi Mosaku) வென்றார், அதேபோல் சிறந்த துணை நடிகருக்கான விருதை 'One Battle After Another' படத்திற்காக ஷான் பென் (Sean Penn) பெற்றார். அனிமேஷன் பிரிவில் 'Boong' திரைப்படம் சிறந்த சிறுவர் மற்றும் குடும்பப் படத்திற்கான விருதை வென்று சாதனை படைத்தது.

இந்த விழாவில் வேல்ஸ் இளவரசர் வில்லியம் மற்றும் இளவரசி கேட் மிடில்டன் ஆகியோர் கலந்துகொண்டு விழாவிற்கு மேலும் சிறப்பு சேர்த்தனர். ஆஸ்கர் விருதுகளுக்கு முன்னதாக நடைபெறும் இந்த பாஃப்டா விருதுகள், வரும் மார்ச் 15-ல் நடைபெறவுள்ள ஆஸ்கர் வெற்றியாளர்களைக் கணிப்பதற்கான ஒரு முன்னோட்டமாகப் பார்க்கப்படுகிறது. பிரமாண்டமான ஆடை அலங்காரம், உணர்ச்சிகரமான உரைகள் மற்றும் உலகத்தரம் வாய்ந்த படைப்புகளுக்கான அங்கீகாரம் என பாஃப்டா 2026 விழா ஒரு மறக்க முடியாத கலை நிகழ்வாக அமைந்தது.