கடந்த 2024 தேர்தல் வெற்றியின் போது, இளைஞர்களைக் கவரும் வகையில் பிரபல போட்காஸ்டர்கள் மற்றும் ஆன்லைன் இன்ஃப்ளூயன்சர்களுடன் (Podcasters & Influencers) ட்ரம்ப் நேர்காணல் செய்ய வேண்டும் என்ற யோசனையை வழங்கியது பராரன் தான் என ட்ரம்ப் ஏற்கனவே பெருமையுடன் தெரிவித்துள்ளார். இது குடியரசுக் கட்சிக்கு இளைஞர்களின் வாக்குகளைப் பெற்றுத்தருவதில் பெரும் திருப்புமுனையாக அமைந்தது. தற்போது வெள்ளை மாளிகையிலேயே தங்கியிருந்து கல்வி பயின்று வரும் அவர், ஒரு "நிழல் ஆலோசகராக" (Invaluable Advisor) செயல்பட்டு வருவதாக அரசியல் வட்டாரங்கள் தெரிவிக்கின்றன.

அரசியல் தவிர, பராரன் தனது சொந்த தொழில் முயற்சிகளிலும் ஆர்வம் காட்டி வருகிறார். சமீபத்தில் தனது நண்பர்களுடன் இணைந்து 'SOLLOS Yerba Mate' என்ற புத்துணர்ச்சி பானம் தயாரிக்கும் ஸ்டார்ட்-அப் நிறுவனத்தைத் தொடங்கியுள்ளார். இந்த நிறுவனத்தின் மூலம் சுமார் 1 மில்லியன் டாலர் வரை வருமானம் ஈட்டப்பட்டதாகத் தகவல்கள் தெரிவிக்கின்றன. எனினும், அதிபரின் மகன் என்பதால் இவரது வணிகத் திட்டங்கள் சமூக வலைதளங்களில் விமர்சனங்களுக்கும் உள்ளாகியுள்ளன. அதே சமயம், 6 அடி 9 அங்குல உயரத்தில் கம்பீரமாகத் தோற்றமளிக்கும் பராரன், சமூக வலைதளங்களில் ஒரு முக்கியப் பிம்பமாக (Public Figure) மாறியுள்ளார்.

மெலனியா ட்ரம்ப் தனது மகனை ஊடக வெளிச்சத்திலிருந்து பாதுகாப்பதில் உறுதியாக இருந்தபோதிலும், தற்போது பராரன் சுயமாகச் சில முடிவுகளை எடுத்து வருவதாகத் தெரிகிறது. ட்ரம்ப் தனது உரைகளில் பராரனின் புத்திசாலித்தனம் மற்றும் தொழில்நுட்ப அறிவைப் பலமுறை பாராட்டியுள்ளார். எதிர்காலத்தில் இவர் ஒரு முழுநேர அரசியல்வாதியாக மாறுவாரா அல்லது ஒரு வெற்றிகரமான தொழிலதிபராகத் திகழ்வாரா என்பது மில்லியன் டாலர் கேள்வியாக உள்ளது. இருப்பினும், ட்ரம்ப் குடும்பத்தின் அடுத்த தலைமுறை முகமாகப் பராரன் ட்ரம்ப் இப்போதே தன்னை நிலைநிறுத்தத் தொடங்கிவிட்டார்.