1. பெங்களூர் டேஸ் (Bangalore Days)

நண்பர்கள் மற்றும் உறவுகளுக்கு இடையிலான பிணைப்பை அழகாகப் பேசும் படம் இது. துல்கர் சல்மான், நிவின் பாலி, நஸ்ரியா மற்றும் பகத் பாசில் எனப் பெரும் நட்சத்திரப் பட்டாளமே இதில் நடித்துள்ளனர். பெங்களூர் நகருக்குச் செல்லும் மூன்று உறவினர்களின் வாழ்க்கையில் நடக்கும் மாற்றங்களை மிகவும் சுவாரஸ்யமாகவும், அதே சமயம் உணர்வுப்பூர்வமாகவும் இந்தப் படம் பதிவு செய்திருக்கும்

2. சார்வம் மாயா (Sarvam Maya - 2026 Release)

சமீபத்தில் வெளியாகி மக்களிடையே பெரும் வரவேற்பைப் பெற்று வரும் 'ஃபீல் குட்' திரைப்படம் இது. நிவின் பாலி மற்றும் அஜு வர்கீஸ் கூட்டணியில் உருவான இந்தத் திரைப்படம், ஒரு நகைச்சுவையான மற்றும் மேஜிக் கலந்த குடும்பக் கதையாகும். வார இறுதியில் டென்ஷன் இல்லாமல் ஜாலியாகப் பார்க்க இது ஒரு சிறந்த சாய்ஸ்.

3. லக்கி: தி சூப்பர் ஸ்டார் (Lucky: The Superstar)

விலங்குகள் மற்றும் மனிதர்களுக்கு இடையிலான அன்பைச் சொல்லும் படங்களில் இது தனித்துவமானது. ஒரு குட்டி நாய் (Puppy) ஒரு குடும்பத்தின் வாழ்க்கையில் எப்படி மாற்றங்களை ஏற்படுத்துகிறது என்பதே கதை. ஜி.வி. பிரகாஷ் குமார் மற்றும் அனஸ்வாரா ராஜன் நடித்துள்ள இந்தப் படம் குழந்தைகளுடன் பார்க்க ஏற்றது.

4. கூடே (Koode)

பிரித்விராஜ் மற்றும் நஸ்ரியா நடிப்பில் வெளியான இந்தப் படம், அண்ணன் - தங்கை பாசத்தை ஒரு வித்யாசமான கோணத்தில் அணுகியிருக்கும். இழந்த உறவுகளை மீண்டும் கண்டடைவதும், மனக் காயங்களை ஆற்றுவதும் எவ்வளவு முக்கியம் என்பதை இந்தப் படம் மிகவும் மென்மையாகச் சொல்லியிருக்கும்.

5. உஸ்தாத் ஹோட்டல் (Ustad Hotel)

உணவு, அன்பு மற்றும் பாரம்பரியத்தைப் பின்னணியாகக் கொண்ட இந்தப் படம், துல்கர் சல்மானின் திரைப்பயணத்தில் மிக முக்கியமான ஒன்று. தாத்தா மற்றும் பேரனுக்கு இடையிலான பிணைப்பைச் சொல்லும் இந்தப் படம், நம் மனதிற்கு ஒரு இனிய உணவைத் தருவது போன்ற அனுபவத்தைக் கொடுக்கும்.