இந்தக் கூட்டத்திற்காக வேலூர் எஸ்பி தலைமையில், அண்டை மாவட்டங்களான திருப்பத்தூர், ராணிப்பேட்டை மற்றும் திருவண்ணாமலையிலிருந்து வரவழைக்கப்பட்ட சுமார் 900-க்கும் மேற்பட்ட போலீசார் பாதுகாப்புப் பணியில் ஈடுபடுத்தப்பட உள்ளனர். ஆரம்பத்தில் 25,000 பேர் வரை பங்கேற்பார்கள் என எதிர்பார்க்கப்பட்ட நிலையில், தற்போதைய வெப்பமான காலநிலை மற்றும் பாதுகாப்பு காரணங்களால் பங்கேற்பாளர்களின் எண்ணிக்கையை 4,900-ஆக காவல்துறை குறைத்துள்ளது. கூட்டத்திற்கு வருபவர்கள் கண்டிப்பாக QR-கோட் அடங்கிய அடையாள அட்டையை வைத்திருக்க வேண்டும் என்று அறிவுறுத்தப்பட்டுள்ளது.

கூட்டம் நடைபெறும் இடம் தேசிய நெடுஞ்சாலைக்கு அருகில் இருப்பதால், போக்குவரத்து நெரிசலைத் தவிர்க்க 6 இடங்களில் சிறப்பு வாகன நிறுத்துமிடங்கள் அமைக்கப்பட்டுள்ளன. மேலும், 30 மருத்துவர்கள், 50 செவிலியர்கள் மற்றும் ஆம்புலன்ஸ் வசதிகளும் தயார் நிலையில் வைக்கப்பட்டுள்ளன. முதியவர்கள், கர்ப்பிணிகள் மற்றும் குழந்தைகளுக்கு இந்தக் கூட்டத்தில் பங்கேற்க அனுமதி மறுக்கப்பட்டுள்ளது. 20-க்கும் மேற்பட்ட கடுமையான நிபந்தனைகளுடன் இந்த மாவட்ட நிர்வாகிகள் கூட்டத்திற்கு அனுமதி வழங்கப்பட்டுள்ளது.

2026 தேர்தலில் ‘விசில்’ சின்னத்துடன் களமிறங்கும் தவெக-வுக்கு, இந்தக் கூட்டம் ஒரு முக்கியத் திருப்புமுனையாகப் பார்க்கப்படுகிறது.