சவுதியில் ரகசிய அடுக்குமாடிக் கட்டடம் ஒன்றில் இருந்த அமெரிக்க உளவு நிறுவனமான CIA வின் இடத்தை, 2 ஈரானிய ட்ரோன்கள் இன்று அதிகாலை(04) தாக்கியுள்ளது. இதனால் குறித்த கட்டடத்தின் கூரை நிலை குலைந்துள்ளதோடு, அதற்கு பெரிய பாதிப்பு ஏற்பட்டுள்ளது. ரியாத்தில் உள்ள இந்த ரகசிய இடத்தை ஈரான் எப்படி கண்டறிந்தது என்பது ஒரு புறம் இருக்க. ஈரான் அனுப்பும் ட்ரோன்கள் எப்படி அமெரிக்க மற்றும் சவுதி நாடுகளின் வான் பாதுகாப்பு சிஸ்டத்தை மீறி உள்ளே வருகிறது என்பது மில்லியன் டாலர் கேள்வியாக உள்ளது.  CIA station hit as Tehran's new Khameini's son rains missiles and drones on Middle East - live updates: 

அமெரிக்க மத்திய புலனாய்வு அமைப்பின் (CIA) ரகசிய தளம் மீது இன்று (மார்ச் 4, 2026) அதிகாலை ஈரான் நடத்திய ட்ரோன் தாக்குதல் உலக நாடுகளை அதிரவைத்துள்ளது. இரண்டு தற்கொலை படை ட்ரோன்கள் அதிநவீன பாதுகாப்பு வளையங்களை மீறி தூதரகத்தின் மேற்கூரை மீது மோதி வெடித்தன. இந்தத் தாக்குதலில் தூதரகத்தின் ஒரு பகுதி மேற்கூரை இடிந்து விழுந்ததாகவும், கட்டடம் முழுவதும் அடர்ந்த புகை சூழ்ந்ததாகவும் அமெரிக்க வெளியுறவுத்துறை கசிந்துள்ள உள்முகத் தகவல்கள் தெரிவிக்கின்றன. மத்திய கிழக்கில் சிஐஏ-வின் மிகப்பெரிய உளவு மையமாகத் திகழும் இந்தத் தளம் இலக்கு வைக்கப்பட்டிருப்பது அமெரிக்காவிற்கு விடுக்கப்பட்ட நேரடி சவாலாகப் பார்க்கப்படுகிறது.

வாஷிங்டன் போஸ்ட் (The Washington Post) வெளியிட்டுள்ள பிரத்யேக செய்தியின்படி, இந்தத் தாக்குதல் நடந்தபோது சிஐஏ அதிகாரிகள் மற்றும் தூதரக ஊழியர்கள் கட்டடத்தின் அடித்தளத்தில் உள்ள பாதுகாப்பு அறைகளில் தஞ்சம் புகுந்ததால் பெரும் உயிர்ச்சேதம் தவிர்க்கப்பட்டது. இருப்பினும், ஈரானிய ட்ரோன்கள் துல்லியமாக சிஐஏ தளம் அமைந்துள்ள தூதரகத்தின் மேல் தளத்தை இலக்கு வைத்திருப்பது அமெரிக்க உளவுத்துறையை நிலைகுலையச் செய்துள்ளது.

இந்தச் சம்பவம் நடந்த உடனேயே, ரியாத், ஜெட்டா மற்றும் தஹ்ரான் ஆகிய நகரங்களில் உள்ள அமெரிக்க குடிமக்களுக்கு "Shelter-in-place" எனும் அவசரப் பாதுகாப்பு உத்தரவு பிறப்பிக்கப்பட்டுள்ளது. மேலும், ரியாத்தில் உள்ள அமெரிக்கத் தூதரகம் இன்று காலவரையறையின்றி மூடப்படுவதாக அறிவிக்கப்பட்டுள்ளது.

இந்தத் தாக்குதல் வெறும் தற்செயலானது அல்ல என்றும், ஈரானின் முன்னாள் உச்ச தலைவர் மற்றும் ராணுவத் தளபதிகள் கொல்லப்பட்டதற்கான "மூலோபாய பழிவாங்கல்" என்றும் அரசியல் ஆய்வாளர்கள் கருதுகின்றனர். ஈரான் ராணுவம் இதற்கு முன்னர் பகிரங்கமாக எச்சரித்திருந்தது போலவே, மத்திய கிழக்கில் உள்ள அமெரிக்காவின் முக்கிய உளவு மையங்களை ஒவ்வொன்றாக இலக்கு வைத்து வருகிறது. ரியாத் தாக்குதலுக்குச் சில மணி நேரங்களுக்கு முன்னதாகவே, துபாயில் உள்ள அமெரிக்கத் தூதரகத்தின் வாகன நிறுத்துமிடத்திலும் ஒரு ட்ரோன் மோதி வெடித்தது குறிப்பிடத்தக்கது. இது அமெரிக்காவின் "ஆபரேஷன் எபிக் பியூரி" (Operation Epic Fury) தாக்குதலுக்குப் பதிலடியாக ஈரான் முன்னெடுக்கும் அதிரடி நடவடிக்கையாகும்.

தற்போதைய நிலவரப்படி, சவுதி அரேபியாவின் வான் பாதுகாப்புப் படைகள் ரியாத் மற்றும் அல்-கர்ஜ் (Al-Kharj) பகுதிகளில் மேலும் 8 ட்ரோன்களை இடைமறித்து அழித்துள்ளன. இருப்பினும், தூதரகத் தாக்குதல் வெற்றிகரமாக நடத்தப்பட்டிருப்பது ஈரானின் ட்ரோன் தொழில்நுட்பம் எவ்வளவு முன்னேறியுள்ளது என்பதைக் காட்டுகிறது.

அதாவது மிகவும் தாழப் பறக்கும் ட்ரோன்களை ஈரான் தயாரித்துள்ளது. இதனால் இவை டார் கண்களில் மண்ணை தூவுகிறது. மேலும் சொல்லப் போனால் ஒரு வேகத்தில் நேராக பறந்து வந்தால் மட்டுமே , ராடர் ஒது ஒரு விமானம் என்று அடையாளம் காண்கிறது. ஆனால் ஈரானிய ட்ரோன்கள், பறவை வேகத்தில் வருவதால், ராடர் அதனை பறவை என நினைத்து, தவறவிடுகிறது. தற்போது உள்ள சூழ் நிலையில், முழு ராடர் சிஸ்டத்தையே மேம்படுத்த வேண்டி இருக்கும் போல இருக்கே ? இதனை அமெரிக்கா சற்றும் எதிர்பார்கவில்லை என்பது தான் உண்மை. அமெரிக்க சி.ஐ,ஏ அதிகாரிகள், தப்பி ஓடி, பாதள அறையில் ஒளிந்துகொண்டது தான் மிச்சம் !