அமெரிக்காவின் டென்னசி மாநிலத்தில் கொலைக் குற்றத்திற்காக மரண தண்டனை விதிக்கப்பட்ட கிறிஸ்டா பைக் என்ற பெண் கைதிக்கு, விஷ ஊசி மூலம் நிறைவேற்றப்பட்ட தண்டனைத் திட்டம் தோல்வியில் முடிடைந்துள்ளது. இரண்டு முறை நச்சு மருந்து செலுத்தப்பட்ட போதிலும் அவர் உயிருடன் இருந்தது பெரும் அதிர்ச்சியை ஏற்படுத்தியுள்ளது. இந்தச் சம்பவத்தைக் கண்டித்துள்ள முன்னாள் அமெரிக்க அதிபர் டொனால்ட் டிரம்ப், “இதை மிக எளிதாகச் செய்து முடித்திருக்க வேண்டும்” எனத் தெரிவித்துள்ளார்.
கடந்த 1995-ஆம் ஆண்டு சக மாணவியைக் கொடூரமாகக் கொலை செய்த வழக்கில், 1996-ஆம் ஆண்டு கிறிஸ்டா பைக்குக்கு மரண தண்டனை விதிக்கப்பட்டது. கடந்த புதன்கிழமை இரவு அவருக்குப் பெண்டோபார்பிட்டால் (Pentobarbital) என்ற நச்சு மருந்து இரண்டு முறை செலுத்தப்பட்டும், அவர் மூச்சுப் பயிற்சியுடன் குறட்டை விட்டுக்கொண்டிருந்ததாக நேரில் பார்த்த சாட்சிகள் மற்றும் வழக்கறிஞர்கள் தெரிவித்துள்ளனர். இதைத் தொடர்ந்து, அவரது உடல்நிலை மோசமடைந்ததால் உடனடியாக மருத்துவமனைக்குக் கொண்டு செல்லப்பட்டுத் தீவிர சிகிச்சை அளிக்கப்பட்டு வருகிறது.
இந்தத் தோல்வியைத் தொடர்ந்து, டென்னசி மாநில ஆளுநர் பில் லீ (Bill Lee) இந்த ஆண்டு திட்டமிடப்பட்டிருந்த அனைத்து மரண தண்டனைகளையும் தற்காலிகமாக நிறுத்தி வைப்பதாக அறிவித்துள்ளார். மேலும், இந்த மரண தண்டனை நடைமுறையில் ஏற்பட்ட குறைபாடுகள் குறித்து விரிவான மூன்றாம் தரப்பு விசாரணை நடத்தவும் அவர் உத்தரவிட்டுள்ளார். மனித உரிமை அமைப்புகள் மற்றும் கிறிஸ்டா பைக்கின் வழக்கறிஞர்கள், இந்தச் சம்பவம் கொடூரமான சித்திரவதை என்றும், அவரது தண்டனையைக் குறைக்க வேண்டும் என்றும் வலியுறுத்தி வருகின்றனர்.
தற்போது கிறிஸ்டா பைக் தீவிர சிகிச்சைப் பிரிவில் அனுமதிக்கப்பட்டுள்ள நிலையில், அவரது தற்போதைய உடல்நிலை குறித்த தகவல்கள் முழுமையாக வெளியிடப்படவில்லை. இச்சம்பவம் அமெரிக்காவில் மரண தண்டனை நிறைவேற்றும் முறைகள் மற்றும் பயன்படுத்தப்படும் நச்சு மருந்துகள் குறித்த விவாதங்களை மீண்டும் தீவிரப்படுத்தியுள்ளது.
