இஸ்ரேலில் நடைபெற்ற பொதுத் தேர்தலின் வாக்குப்பதிவுக்குப் பிந்தைய கணிப்புகளில், தற்போதைய பிரதமர் பெஞ்சமின் நெதன்யாகு தலைமையிலான கூட்டணி பெரும்பான்மை பெறாமல் பின்னடைவைச் சந்தித்துள்ளது. 120 இடங்களைக் கொண்ட கென்னசட் (Knesset) பாராளுமன்றத்தில் ஆட்சியமைக்க 61 இடங்கள் தேவை என்ற நிலையில், முன்னாள் ராணுவத் தளபதி காடி ஐசன்காட் (Gadi Eisenkot) தலைமையிலான எதிர்க்கட்சிக் கூட்டணி 52 முதல் 53 இடங்கள் வரை கைப்பற்றக்கூடும் எனக் கணிப்புகள் கூறுகின்றன. அதேவேளையில், பெஞ்சமின் நெதன்யாகுவின் லிகுட் கட்சி தலைமையிலான வலதுசாரிக் கூட்டணிக்கு 50 இடங்கள் மட்டுமே கிடைக்கும் என ஊடக வாக்குவாக்கணிப்புத் தரவுகள் தெரிவிக்கின்றன.
2023 அக். 7 தாக்குதலுக்குப் பிறகு நடைபெறும் முதல் பொதுத் தேர்தல் என்பதால், இது நெதன்யாகுவின் நிர்வாகத்தின் மீதான மக்க தீர்ப்பாகவே பார்க்கப்படுகிறது. எந்தக் கட்சிக்கும் தனித்து 61 இடங்கள் கிடைக்காத சூழலில், அரபு சமூகப் பிரதிநிதித்துவக் கட்சிகள் மற்றும் பிற சிறிய கட்சிகளின் ஆதரவைப் பெறுவதில் இரு அணிகளுக்கும் இடையே கடும் போட்டி ஏற்பட்டுள்ளது. குறிப்பாக ‘ராம்’ (Ra’am) கட்சியின் தலைவர் மன்சூர் அப்பாஸிடம் இரு தரப்பினரும் பேச்சுவார்த்தை நடத்தி வருவதாகக் கூறப்படுகிறது.
தேர்தல் முடிவுகள் குறித்துப் பேசிய எதிர்க்கட்சித் தலைவர் காடி ஐசன்காட், மக்கள் தற்போதைய அரசாங்கத்தின் மீது நம்பிக்கை இழந்துவிட்டதை இந்த வாக்குவாக்கணிப்புகள் வெளிப்படுத்துவதாகக் குறிப்பிட்டுள்ளார். அதேநேரம் ஜனநாயகக் கட்சியின் தலைவர் யாயிர் கோலன், நெதன்யாகு அல்லாத புதிய மாற்றத்திற்கான அரசை அமைக்கத் தயாராக இருப்பதாகத் தெரிவித்துள்ளார்.
நவம்பர் முதல் வாரத்தில் அதிகாரப்பூர்வ தேர்தல் முடிவுகள் வெளியாகும் என எதிர்பார்க்கப்படுகிறது.
அதன் பின்னரே இஸ்ரேல் நாட்டின் புதிய பிரதமரைத் தேர்ந்தெடுக்கும் கூட்டணிக் பேச்சுவார்த்தைகள் இறுதி வடிவம் பெறும்.
