ஆந்திர மாநில முன்னாள் முதலமைச்சர் ஒய். எஸ். ஜெகன் மோகன் ரெட்டியின் உறவினரான ஒய். எஸ். அனில் ரெட்டியின் மகளது திருமண வரவேற்பு நிகழ்ச்சி சென்னை எம். ஆர். சி. நகரில் உள்ள நட்சத்திர ஹோட்டலில் நவம்பர் 5-ஆம் தேதி நடைபெற்றது. இந்த விழாவில் தமிழக வெற்றிக் கழகத் தலைவர் விஜயுடன், அவரது தாயார் ஷோபா சந்திரசேகர் மற்றும் நடிகை திரிஷா ஆகியோரும் பங்கேற்றனர். நிகழ்ச்சியில் பங்கேற்ற இவர்கள் அனைவரும் புதுமணத் தம்பதிகளுக்குத் தங்களின் வாழ்த்துகளைத் தெரிவித்துக் கொண்டனர்.
திருமண வரவேற்பு நிகழ்வில் ஜெகன் மோகன் ரெட்டியுடன் விஜய் மற்றும் திரிஷா உரையாடிப் புகைப்படங்கள் எடுத்துக்கொண்டனர். இந்த விழாவில் பிஆர்எஸ் கட்சியின் செயல் தலைவர் கே. டி. ராமாராவ் மற்றும் தொழிலதிபர் கௌதம் அதானி உள்ளிட்ட பல்வேறு முக்கியப் பிரமுகர்களும் கலந்து கொண்டனர். விழாவிற்கு வந்த விஜய் மற்றும் திரிஷா ஆகியோரின் வீடியோக்கள் மற்றும் புகைப்படங்கள் இணையத்தில் வெளியாகிப் பரவலாகப் பகிரப்பட்டு வருகின்றன.
இவ்விழாவில் கலந்துகொண்ட முக்கிய தலைவர்கள் மற்றும் திரையுலகச் சார்ந்த முக்கியப் பிரமுகர்கள் மணமக்களை நேரில் சென்று வாழ்த்தினர்.
நிகழ்ச்சி நிறைவடைந்த பின்னர், சிறப்பு விருந்தினராகப் பங்கேற்ற அனைவரும் தங்களது வாழ்த்துகளைத் தெரிவித்துவிட்டு அங்கிருந்து புறப்பட்டுச் சென்றனர்.
