திருச்சி மணச்ச நல்லூரில் தூக்கு போட்டு தற்கொலை செய்த சிந்துஜா(25) ஆடைகள் கிழிக்கப்பட்ட நிலையில், அவர் மார்புக்கு அருகே நகக் காயம் இருப்பதாக அவரது உறவினர், அதிர்ச்சி தகவலை வெளியிட்டுள்ளார். திமுக கொடுக்கும் இந்த 8,000ரூபா டோக்கனை வாங்கச் சென்ற இந்தப் பெண்ணுக்கு இந்த கதியா ? அவமானம் தாங்க முடியாமல், சிந்துஜா தூக்கு போட்டு தற்கொலை செய்துகொண்டார். உடனே அவரது கணவனை அணுகிய திமுக முக்கியஸ்தர்கள் 50 லட்சம் தருவதாக கூறி கணவனின் வாயை அடைத்து விட்டார்கள். நடந்தது என்ன ?
திருச்சி மாவட்டம் மண்ணச்சநல்லூர் அருகே உள்ள வாழைக்காய் பகுதியைச் சேர்ந்தவர் சிந்துஜா (25). இவரது கணவர் பிரசாந்த் ஒரு ஓட்டுநர். திமுகவின் தேர்தல் வாக்குறுதியான “இல்லத்தரசி” திட்டத்தின் கீழ் ₹8,000 மதிப்பிலான பொருட்கள் வாங்குவதற்கான மாதிரி டோக்கன்கள் அந்தப் பகுதியில் விநியோகிக்கப்பட்டுள்ளன. சிந்துஜா அந்த டோக்கனைப் பெறச் சென்றபோது, அது தீர்ந்துவிட்டதாகக் கூறி அங்கிருந்த 4 திமுக நிர்வாகிகள் அவரைத் திருப்பி அனுப்பியுள்ளனர். சிந்துஜா இது குறித்து நியாயம் கேட்டபோது, ஆத்திரமடைந்த அந்த கும்பல் அவரை தகாத வார்த்தைகளால் திட்டியதோடு, தலைமுடியைப் பிடித்து இழுத்து தாக்கியுள்ளனர். மேலும், அவரது ஆடையைக் கிழித்து, மார்புப் பகுதியில் கையைப் வைத்து பாலியல் சீண்டலில் ஈடுபட்டு பகிரங்கமாக மானபங்கம் செய்ததாகக் கூறப்படுகிறது.
இந்தக் கொடுமையான சம்பவத்தால் கடும் மன உளைச்சலுக்கு ஆளான சிந்துஜா, தனது கணவரிடம் இது குறித்து அழுது முறையிட்டுள்ளார். அந்தச் சமயத்தில் அங்கு வந்த திமுகவினர், மீண்டும் அவரை மிரட்டிச் சென்றதாகத் தெரிகிறது. மக்கள் நடமாட்டம் உள்ள பகுதியில் தனக்கு ஏற்பட்ட இந்த இழிவான நிலையையும், திமுக நிர்வாகிகளின் அத்துமீறலையும் தாங்கிக்கொள்ள முடியாமல் தவித்த சிந்துஜா, யாருமில்லாத நேரத்தில் தனது வீட்டில் தூக்கிட்டுத் தற்கொலை செய்துகொண்டார். ஒரு சாதாரண குடும்பப் பெண், ஆளுங்கட்சியினரின் அதிகார மிரட்டலால் உயிரிழந்த சம்பவம் அப்பகுதி மக்களிடையே பெரும் கொந்தளிப்பை ஏற்படுத்தியுள்ளது.
இந்த மரணத்தைத் தொடர்ந்து, மண்ணச்சநல்லூர் பகுதியில் பதற்றம் நிலவி வருகிறது. பாதிக்கப்பட்ட பெண்ணின் குடும்பத்தினர் மற்றும் பொதுமக்கள் திரண்டு திருச்சி-லால்குடி சாலையில் மறியலில் ஈடுபட்டனர். குற்றம் செய்த திமுக நிர்வாகிகள் மீது கடுமையான சட்டப்பிரிவுகளின் கீழ் நடவடிக்கை எடுக்க வேண்டும் என்றும், அவர்களை உடனடியாகக் கைது செய்ய வேண்டும் என்றும் அவர்கள் வலியுறுத்தினர். இது தொடர்பாக வழக்குப்பதிவு செய்துள்ள காவல்துறை, ராஜா, ராஜேந்திரன் உள்ளிட்ட 6 பேரைக் கைது செய்துள்ளதாகத் தகவல் வெளியாகியுள்ளது. மேலும் சிலரைத் தேடி வருகின்றனர்.
தமிழகத்தில் பெண்களின் பாதுகாப்பு கேள்விக்குறியாகி உள்ளதாக எதிர்க்கட்சிகள் கடும் விமர்சனங்களை முன்வைத்து வருகின்றன. பாமக தலைவர் அன்புமணி ராமதாஸ், தமிழக வெற்றிக் கழகத் தலைவர் விஜய் உள்ளிட்ட தலைவர்கள் இந்தச் சம்பவத்திற்குக் கடும் கண்டனம் தெரிவித்துள்ளனர். தேர்தல் ஆதாயத்திற்காக போலியான வாக்குறுதிகளைக் கொடுத்துவிட்டு, அதைக் கேட்கும் சாமானிய பெண்களை இழிவுபடுத்தும் செயலை ஒருபோதும் ஏற்க முடியாது எனப் பலரும் சமூக வலைதளங்களில் பதிவிட்டு வருகின்றனர். இந்தச் சம்பவம் 2026 தேர்தல் களத்தில் திமுகவிற்குப் பெரும் பின்னடைவாக அமையும் என எதிர்பார்க்கப்படுகிறது.
