பிரிட்டனில் குவியும் அமெரிக்க போர் விமானங்கள்- மீண்டும் அட்டாக் ஆரம்பமா ?

பிரித்தானியாவில் நடக்க இருந்த விமான சாகச நிகழ்வுகள் அனைத்தும் இடை நிறுத்தப்பட்டுள்ளதாக. அறியப்படுகிறது. காரணம் அமெரிக்க போர் விமானங்கள் தளங்களில் வந்து குவிந்த வண்ணம் உள்ளது. ஈரான் மீது மேலும் ஒரு கடுமையான தாக்குதலை தொடுக்க அமெரிக்கா தயாராகி வருவதாக தெரிகிறது.

சர்வதேச அரங்கில் பெரும் பரபரப்பை ஏற்படுத்தியிருக்கும் ஒரு அதிரடி திருப்பமாக, பிரிட்டனின் புகழ்பெற்ற ‘ராயல் இன்டர்நேஷனல் ஏர் டாட்டூ’ (RIAT) விமானக் கண்காட்சி இந்த ஆண்டு திடீரென ரத்து செய்யப்பட்டுள்ளது. மத்திய கிழக்கில் நிலவி வரும் தீவிர போர்ச் சூழல் காரணமாகவே இந்த அதிரடி முடிவு எடுக்கப்பட்டுள்ளதாக அதிகாரப்பூர்வமாக அறிவிக்கப்பட்டுள்ளது. உலகப் புகழ்பெற்ற இந்த ராணுவக் கண்காட்சி நிறுத்தப்பட்டது சர்வதேச பாதுகாப்பு வட்டாரங்களில் பெரும் அதிர்வலைகளை ஏற்படுத்தியுள்ளது.

அமெரிக்காவின் போர்த் தளமாக மாறிய பிரிட்டன்!

கடந்த 50 ஆண்டுகளுக்கும் மேலாக, ஆண்டுதோறும் சுமார் 1 லட்சத்து 70 ஆயிரத்திற்கும் அதிகமான பார்வையாளர்களை ஈர்த்து வந்த இந்த பிரம்மாண்ட கண்காட்சி, ஜூலை மாதம் குளுசெஸ்டர்ஷையரில் உள்ள RAF ஃபேர்ஃபோர்ட் (Fairford) விமான தளத்தில் நடைபெறவிருந்தது. ஆனால், தற்போதைய சூழலில் இந்தத் தளம் முற்றிலும் அமெரிக்க விமானப் படையின் (USAF) கட்டுப்பாட்டிற்குள் சென்றுள்ளது. ஈரான் மீதான போருக்காக, டொனால்ட் டிரம்ப்பின் அதிபயங்கர அமெரிக்கப் போர் விமானங்கள் வரிசையாக இங்குதான் குவிக்கப்பட்டு வருகின்றன.

அணுஆயுதப் போர் விமானங்கள் மிரட்டல் முழக்கம்

ஈரான் உடனான மோதல் உச்சக்கட்டத்தை எட்டியுள்ள நிலையில், அமெரிக்காவின் அதிபயங்கர B-52 மற்றும் B-2 ஸ்டெல்த் ரக குண்டுவீச்சு விமானங்கள் (Bombers) தொடர்ந்து RAF ஃபேர்ஃபோர்ட் தளத்திலிருந்து இயங்கி வருகின்றன. கடந்த பிப்ரவரி 28 அன்று ஈரானின் உச்ச தலைவர் கொல்லப்பட்டதைத் தொடர்ந்து, அங்கு பதற்றம் தணலாய் எரிந்து கொண்டிருக்கிறது. ஏப்ரல் மாதம் கொண்டுவரப்பட்ட தற்காலிக போர்நிறுத்தப் பேச்சுவார்த்தைகள் தோல்வியடைந்ததைத் தொடர்ந்து, ஈரான் மீது எந்த நேரத்திலும் பிரம்மாண்ட வான்வழித் தாக்குதலை நடத்த அமெரிக்கா தயாராகி வருவதாக உளவுத்துறை வட்டாரங்கள் தெரிவிக்கின்றன.

டிக்கெட் வாங்கியவர்கள் கதி என்ன?

“மத்திய கிழக்கில் நிலவி வரும் அசாதாரண சூழ்நிலை காரணமாக, அமெரிக்க மற்றும் பிரிட்டிஷ் விமானப் படைகளுடன் தீவிரமாக ஆலோசனை நடத்திய பிறகே இந்த கடினமான முடிவு எடுக்கப்பட்டுள்ளது” என கண்காட்சி அமைப்பாளர்கள் கவலையுடன் தெரிவித்துள்ளனர்.

இந்த அதிர்ச்சி அறிவிப்பால் ஏமாற்றமடைந்துள்ள லட்சக்கணக்கான விமானப் பிரியர்கள், தாங்கள் வாங்கிய டிக்கெட்டுகளை அடுத்த ஆண்டிற்குப் பயன்படுத்திக் கொள்ளலாம் அல்லது முழு பணத்தையும் திரும்பப் பெற்றுக் கொள்ளலாம் என அறிவிக்கப்பட்டுள்ளது. இந்த விமானக் கண்காட்சி ரத்து செய்யப்பட்டதன் மூலம், உலகப்போர் அபாயம் பிரிட்டனின் வாசலுக்கே வந்துவிட்டதாக சர்வதேச ஊடகங்கள் அலறி வருகின்றன!