முலாகில் மற்றும் அவரது நண்பரான முகமது கபீர் (Mohammad Kabir) ஆகிய இருவர் மீதும் பல்வேறு கடுமையான குற்றச்சாட்டுகள் சுமத்தப்பட்டுள்ளன. சிறுமியைப் பாலியல் வன்கொடுமை செய்ததோடு மட்டுமல்லாமல், ஆபாசப் புகைப்படங்களை எடுத்து அதைத் தனது செல்போனில் முலாகில் சேமித்து வைத்திருந்ததாகத் தெரிவிக்கப்பட்டுள்ளது. மற்றொரு குற்றவாளியான கபீர், சிறுமியை கடத்திச் சென்று பாலியல் ரீதியாகத் துன்புறுத்தும் நோக்கத்தில் அவரது கழுத்தைப் பிடித்து நெரித்ததாகக் குற்றம் சாட்டப்பட்டுள்ளார். பாதிக்கப்பட்ட சிறுமியோ, "அவர்கள் பெரியவர்கள் என்பதால் பாதுகாப்பானவர்கள் என்று நினைத்தேன்" என்று கூறி அழுதது நீதிமன்றத்தில் இருந்த அனைவரையும் கண் கலங்க வைத்தது.

இந்த கொடூர தாக்குதலுக்குப் பிறகு சிறுமி மிகவும் பயந்துபோய், "அவன் எனக்காகத் தேடி வருகிறான்" என்று அழுதுகொண்டே ஒரு முதியவரிடம் உதவி கேட்டுள்ளார். தன்னை ஒரு பிஎம்டபிள்யூ (BMW) காரில் ஏற்றி லண்டன் மற்றும் பர்மிங்காம் நகரங்களுக்குக் கடத்திச் சென்று மீண்டும் பாலியல் வன்கொடுமை செய்யப் போவதாக அவர்கள் மிரட்டியதாக அச்சிறுமி வாக்குமூலம் அளித்துள்ளார். முலாகில் தனது வாக்குமூலத்தில், சிறுமி பார்ப்பதற்கு இருபது வயது பெண் போல இருந்ததாகவும், எல்லாம் விருப்பத்தின் பேரிலேயே நடந்ததாகவும் கூறித் தப்பிக்க முயன்றார். ஆனால், சிறுமியின் கழுத்தில் முலாகிலின் டிஎன்ஏ (DNA) ஆதாரங்கள் கண்டறியப்பட்டது அவரது பொய்களைத் தவிடுபொடியாக்கியுள்ளது.

தற்போது நடைபெற்று வரும் இந்த விசாரணையில், முலாகில் ஏற்கனவே ஒரு குற்றத்திற்காகத் தனது தவற்றை ஒப்புக்கொண்டுள்ளார். இந்த வழக்கை விசாரிக்கும் நீதிபதிகள், சிறுமி மிகவும் வெளிப்படையாகவே சிறிய குழந்தையாகத் தெரிந்த நிலையிலும், முலாகில் அவரிடம் வயது கேட்டது திட்டமிட்ட ஒரு சதி என்று தெரிவித்துள்ளனர். இங்கிலாந்தில் அகதிகள் தங்குமிடங்களுக்கு எதிராக ஏற்கனவே போராட்டங்கள் வெடித்துள்ள நிலையில், இந்த விவகாரம் அங்குள்ள சமூக மற்றும் அரசியல் வட்டாரத்தில் பெரும் பதற்றத்தை ஏற்படுத்தியுள்ளது.