"வரலாற்றிலேயே முதன்முறையாக..." அப்படின்னு டிவில வர்ற விளம்பரம் மாதிரி, இப்போ தளபதியோட 'ஜனநாயகன்' படத்துக்கு ஒரு புது சிக்கல் முளைச்சிருக்கு. படம் என்னவோ மறுதணிக்கை எல்லாம் முடிஞ்சு ரிலீஸுக்கு ‘ரெடி’ ஆயிடுச்சு. ஆனா, இப்போ எலெக்ஷன் டைம் கமிஷன் ரூல்ஸ் அமல்ல இருக்கறதால, ஒரு அரசியல் கட்சித் தலைவராவும், வேட்பாளராவும் இருக்கற ஒருத்தரோட படத்தை ரிலீஸ் பண்ணலாமா? வேண்டாமா? அப்படின்னு தேர்தல் அதிகாரி அர்ச்சனா பட்நாயக் கிட்ட கேட்டா, "நல்ல கேள்வி... ஆனா இதுக்கு பதில் எனக்கே தெரியலையே!" அப்படின்னு ‘கூலா’ சொல்லிட்டாங்க. மேலதிகாரிகிட்ட கேட்டுட்டு தான் சொல்லணுமாம்.

தளபதி அரசியலுக்கு வர்றதுக்காக "இனிமே நான் நடிக்கப்போறது இல்லை"ன்னு சொல்லிட்டு கமிட் ஆன கடைசிப் படம் இது. பொங்கலுக்கே வர வேண்டிய வண்டி, சென்சார் போர்டு செக்கிங்ல மாட்டி இப்போ தான் ரிலீஸ்க்கு ரூட் கிளியர் ஆகி வந்திருக்கு. 

ஆனா விதி யாரை விட்டது? இப்போ தேர்தல் ஆணையம் இதுக்கு முன்னாடி இப்படி ஒரு கேஸை பார்த்ததே இல்லையாம். "இது தான் ஃபர்ஸ்ட் டைம்... டெல்லிகிட்ட கேட்டுட்டு அப்புறமா சொல்றோம்"னு தேர்தல் அதிகாரிங்க ‘ஹோல்ட்’ல வச்சிருக்காங்க. ஒரு வழியா ரிலீஸ்க்கு வழி கிடைச்சா, இது தான் தளபதியோட மெகா ‘இன்டர்வெல்’ பிளாக்கா இருக்கும்.

மொத்தத்துல, எலெக்ஷன் கமிஷன் கொடுக்கப்போற அந்த ஒரு 'ஓகே' சிக்னல்ல தான் 'ஜனநாயகன்' தியேட்டருக்கு வருவாரா இல்லையான்னு இருக்கு. ஒரு பக்கம் ரசிகர்கள் "சீக்கிரம் விடுங்கப்பா"ன்னு வெயிட் பண்ண, 

இன்னொரு பக்கம் தேர்தல் ஆணையம் "இருங்கப்பா... ரூல்ஸ் புக்ல தேடிப் பார்க்குறோம்"னு டைம் ஓட்டிக்கிட்டு இருக்காங்க. எலெக்ஷன் கமிஷன் கொடுக்கப்போற அந்த விளக்கத்தைப் பொறுத்து தான் தளபதியோட கடைசி ஆட்டம் தியேட்டர்ல ஆரம்பிக்கும். என்ன நடக்கப்போகுதுன்னு பொறுத்திருந்து தான் பாக்கணும் பாஸ்!