மறுபுறம், அமெரிக்கா மற்றும் இஸ்ரேலின் கடுமையான வான்வழித் தாக்குதல்களையும் மீறி, ஈரான் நாடு 'ஹார்முஸ் ஜலசந்தியை' (Strait of Hormuz) தனது முழுமையான கட்டுப்பாட்டில் வைத்துள்ளது. உலகின் 20 சதவீத கச்சா எண்ணெய் செல்லும் இந்த கடல்வழிப் பாதை முடங்கியுள்ளதால், உலகச் சந்தையில் ஒரு பேரல் கச்சா எண்ணெய் விலை 105 டாலராக உயர்ந்துள்ளது. ஈரானின் கடற்படை பலவீனமடைந்திருந்தாலும், அந்நாடு பயன்படுத்தும் டிரோன் கூட்டங்கள் (Drone Swarms) மற்றும் கடற்கரையோரம் மறைத்து வைக்கப்பட்டுள்ள ஏவுகணைகள் அமெரிக்க கப்பல் படைகளுக்குப் பெரும் சவாலாக மாறியுள்ளன.

இந்த ஏவுகணைப் பற்றாக்குறை மற்றும் பொருளாதார முடக்கத்தால் ஆத்திரமடைந்துள்ள அதிபர் டொனால்ட் டிரம்ப், ஈரானுக்கு 'இறுதி அடி' (Final Blow) கொடுக்கத் தயாராகி வருகிறார். ஏப்ரல் 6-ம் தேதிக்குள் ஈரான் அமைதி உடன்படிக்கைக்கு வராவிட்டால், ஈரானின் முக்கிய எண்ணெய் ஏற்றுமதி மையமான 'கார்க்' (Kharg) தீவு மற்றும் 'லாரக்' (Larak) தீவுகளைக் கைப்பற்ற அமெரிக்க தரைப்படை களமிறக்கப்படலாம் எனத் தெரிகிறது. இதற்காக சுமார் 20,000 க்கும் மேற்பட்ட அமெரிக்க வீரர்கள் தயார் நிலையில் வைக்கப்பட்டுள்ளதாக ராணுவ வட்டாரங்கள் தெரிவிக்கின்றன.

வான்வழித் தாக்குதல்கள் மூலம் மட்டுமே ஈரானை பணிய வைக்க முடியாது என்பதை உணர்ந்துள்ள பென்டகன், இப்போது ஆபத்தான தரைப்படை ஊடுருவல் திட்டத்தை (Ground Invasion) கையில் எடுத்துள்ளது. இது ஒருவேளை தொடங்கினால், அது மத்திய கிழக்கில் ஒரு முழு அளவிலான உலகப் போராக மாறக்கூடும் என சர்வதேச அரசியல் ஆய்வாளர்கள் எச்சரிக்கின்றனர். அமெரிக்காவின் ஆயுதக் கிடங்கு காலியாகி வருவது சீனா மற்றும் ரஷ்யா போன்ற நாடுகளுக்குச் சாதகமாக அமைந்துவிடக் கூடாது என்பதில் டிரம்ப் நிர்வாகம் மிகுந்த எச்சரிக்கையுடன் காய்களை நகர்த்தி வருகிறது.