இரண்டாவது மனைவியை இரும்பு கம்பியால் அடித்துக்கொன்ற வியாபாரி..! ஆவடி சோகம்

திருவள்ளூர் மாவட்டம் ஆவடியை அடுத்த மேல்பாக்கம் பகுதியைச் சேர்ந்தவர் மதன் (42). இவருக்கு அலமேலு (38) என்ற மனைவியும் இரண்டு பிள்ளைகளும் உள்ளனர். மதன் அப்பகுதியில் இறைச்சி கடை நடத்தி வருகிறார். இந்நிலையில், கடந்த நான்கு ஆண்டுகளுக்கு முன்பு மதனுக்கு சரிதா (35) என்ற பெண்ணுடன் பழக்கம் ஏற்பட்டுள்ளது.

சரிதா ஏற்கனவே திருமணமானவர். இவர் மதனுடன் தகாத உறவை ஏற்படுத்திக்கொண்டதால் சரிதாவின் கணவர் பிரிந்து சென்று விட்டார். அதுபோல, மதனின் முதல் மனைவி அலமேலுவும் மதனிடம் இருந்து பிரிந்து பிள்ளைகளுடன் தாய் வீட்டில் வசித்து வருகிறார். இந்த சூழலில், மதன் சில வருடங்களுக்கு முன்பு சரிதாவை இரண்டாவதாக திருமணம் செய்துகொண்டார்.

சரிதா, அவருடைய 8 வயது மகள் மற்றும் மதன் மூவரும் ஒன்றாக வசித்து வந்த நிலையில், சரிதாவுக்கு மதன் மூலம் பெண் குழந்தை ஒன்று பிறந்தது. வாழ்க்கை சில நாட்கள் சென்று கொண்டிருக்க, கடந்த 2 நாட்களுக்கு முன்னர் வீட்டில் விபரீதம் வெடிக்க துவங்கியது. அலமேலுவின் மகள் சம்பவத்தன்று மதனுக்கு செல்போனில் தொடர்பு கொண்டு பணம் கேட்டுள்ளார்.

‘சித்ராவுக்கு கன்னித்தன்மை பரிசோதனை, ஒரு நாளைக்கு ஒரு உள்ளாடை’, வெளிப்படும் ரகசியங்கள்

அப்போது, சரிதாவுக்கும், மதனுக்கும் இடையே தகராறு ஏற்பட்டுள்ளது. அந்த தகாரில் சரிதா மதனை அடித்துள்ளார். அதனால் ஆத்திரமடைந்த மதன், வீட்டில் இருந்த இரும்பு கம்பியை எடுத்து வந்து சரிதாவின் தலையில் பலமாக அடித்து தாக்கினார். அதில் மண்டை உடைந்து சரிதா சம்பவ இடத்திலேயே உயிரிழந்தார்.

கண்முன்னே தாய் கொல்லப்பட்டதை கண்டு அலறி துடித்த சரிதாவின் 7 வயது மகள் வெளியே ஓடி வந்து கதறினார். இதற்கிடையில் மதன் தனது 7 மாத பெண் குழந்தையை தூக்கிக்கொண்டு தப்பினார். சம்பவம் அறிந்து வந்த போலீசார் சரிதாவின் உடலை பிரேத பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைத்தனர். தொடர்ந்து, கொரட்டூர் பகுதியில் குழந்தையுடன் தலைமறைவாக இருந்த மதனை கைது செய்த போலீசார் விசாரணை செய்து வருகின்றனர்.

Contact Us