அனில் அம்பானியின் ‘மகன்’ பரபரப்பு கருத்து..; என்ன தையிரியம்.. வெடித்தது சர்ச்சை!

மகாராஷ்டிராவில் மீண்டும் பகுதிநேர ஊரடங்கு அமல்படுத்தப்பட்டதற்கு பிரபல தொழிலதிபர் அனில் அம்பானியின் மகன் அன்மோல் அம்பானி கடும் எதிர்ப்பு தெரிவித்துள்ளார்.

Anil Ambani’s son Anmol Ambani lashes out against lockdowns

Anil Ambani’s son Anmol Ambani lashes out against lockdowns

29 வயதாகும் அன்மோல் அம்பானி, ரிலையன்ஸ் கேப்பிட்டல் நிறுவனத்தின் இயக்குநராக உள்ளார். பிரபலமான குடும்பத்தைச் சேர்ந்தவர் என்றாலும் ஊடக வெளிச்சம் தன் மீது படாத அளவுக்கு அன்மோல் அம்பானி எப்போதும் ஒதுங்கியே இருக்கக் கூடியவர்.

Anil Ambani’s son Anmol Ambani lashes out against lockdowns

இந்த நிலையில் மகாராஷ்டிராவில் கொரோனா பரவல் அதிகரித்து வருவதால், பல்வேறு கட்டுபாடுகள் விதிக்கப்பட்டுள்ளன. மேலும் இரவு நேர ஊரடங்கும் அமல்படுத்தப்பட்டுள்ளது. இதனை அன்மோல் அம்பானி கடுமையாக விமர்சித்து தனது ட்விட்டர் பக்கத்தில் பதிவிட்டுள்ளார்.

அதில், ‘நடிகர்கள் இரவு நேரங்களில் ஷூட்டிங் நடத்தலாம். கிரிக்கெட் வீரர்கள் இரவு நேரத்தில் விளையாடலாம். அரசியல்வாதிகள் எந்தக் கட்டுப்பாடும் இல்லாமல் பேரணிகள், ஊர்வலங்கள் நடத்தலாம். ஆனால், தொழில் நிறுவனங்கள் தங்களது தொழில்களை செய்யவும், தொழிலாளர்கள் தங்களது வேலையை செய்ய மட்டும் கூடாதா?’ என அன்மோல் அம்பானி கேள்வி எழுப்பியுள்ளார்.

கடந்த ஜனவரி மாதம், ‘கொரோனா என்பது இன்றைய புதிய மத வழிபாட்டு முறை ஆகிவிட்டது’ என அன்மோல் அம்பானி காட்டமாக பதிவிட்டார் என்பது குறிப்பிடத்தக்கது. தற்போது ஊரடங்கு குறித்து அன்மோல் அம்பானி பதிவிட்ட ட்வீட் பரபரப்பை ஏற்படுத்தியுள்ளது.