‘ஐயோ மாமா’… நான்காவது கணவனை கொன்ற 5 வது காதலன்..! சேலத்தில் கொடுமை

தகாத உறவால் நண்பர்கள் இடையே ஏற்பட்ட மோதலில் ஒருவர் கொலை செய்யப்பட்டார்.

சேலம் அயோத்தியாபட்டிணம் ராம் நகர் காலனி பகுதியை சேர்ந்தவர் கிருபை ராஜ். கூலித்தொழிலாளியான இவருக்கும் அதே பகுதியை சேர்ந்த கலைமணி என்ற பெண்ணுக்கும் தகாத உறவு இருந்து வந்ததாக கூறப்படுகிறது. ஏற்கனவே இரண்டு முறை திருமணம் செய்துகொண்ட கலைமணி மூன்றாவதாக ஒருவருடன் குடித்தனம் நடத்தி வருகிறார்.

இந்நிலையில்தான் நான்காவதாக கிருபைராஜுடன் பழகி வந்துள்ளார். அவ்வப்போது கிருபை ராஜ் தனது நண்பர் கலையரசன் என்பவருடன் கலைமணி வீட்டிற்கு சென்று வந்துள்ளார். இந்த நிலையில் கலையரசனுக்கும் கலை மணிக்கும் தொடர்பு ஏற்பட்டுள்ளது.

இதனிடையே இன்று சேலம் கந்தாஸ்ரமம் பகுதி தனியார் கிரிக்கெட் மைதானம் அருகே கலை மணியும் கிருபை ராஜும் சந்தித்துப் பேசி வந்துள்ளனர். அப்போது கலையரசனிடம் தொலைபேசியில் தொடர்பு கொண்டு இனி தன்னை சந்திக்க வரவேண்டாம் என கூறிய நிலையில் திடீரென கலையரசன் கந்தாஸ்ரமம் பகுதிக்குச் சென்று கிருபை ராஜிடம் வாக்குவாதத்தில் ஈடுபட்டுள்ளார்.

அப்போது கலையரசன் மறைத்து வைத்திருந்த கத்தியை எடுத்து கிருபை ராஜின் வயிறு கழுத்து உள்ளிட்ட பல்வேறு இடங்களில் குத்தி கொலை செய்துள்ளார். இதுகுறித்து தகவல் அறிந்து வந்த உதவி ஆணையாளர் வெங்கடேசன், கிச்சிப்பாளையம் காவல் ஆய்வாளர் பொறுப்பிலுள்ள ஜெய்சல்குமார் மற்றும் காவல்துறையினர் விரைந்து சென்று சடலத்தை கைப்பற்றி பிரேத பரிசோதனைக்கு சேலம் அரசு மருத்துவமனைக்கு அனுப்பிவைத்தனர்

தொடர்ந்து கலையரசன் மற்றும் கலைமணி இரண்டு பேரையும் பிடித்து விசாரணை மேற்கொண்டு வருகின்றனர். தகாத உறவின் விவகாரத்தில் ஏற்பட்ட மோதலில் வாலிபரை குத்திக் கொலை செய்த சம்பவம் அந்த பகுதியில் பரபரப்பை ஏற்படுத்தியுள்ளது.

Contact Us