‘இருளசாதி பொம்பளைக்கு இவ்வளவு திமிரா?’ வேலூரில் சாதி வெறி பிடித்தவர் அட்டூழியம்..!

வேலூர் அருகே இருளர் பெண்ணை சாதி வெறியுடன் அடித்து தாக்கிய நபர் மீது நடவடிக்கை எடுக்கக்கோரி புகார் அளிக்கப்பட்டுள்ளது.
வேலூர் மாவட்டம், காட்பாடி அருகே குப்பத்தாமோட்டூர் கிராமத்தில் வன்னியர்கள் அதிகம் வசிக்கும் பகுதி. இங்கு இரண்டு குடும்பங்கள் மட்டுமே பழங்குடி இனத்தைச் சேர்ந்தவர்கள். இரண்டு பழங்குடியின குடும்பங்களும் அரசு 1994 – ஆண்டு பட்டா வழங்கியதில் வீடு கட்டி வாழ்ந்து வருகின்றனர். வீட்டின் பின்னே அண்ணாமலை என்ற வன்னியரின் வீடும், நிலமும் உள்ளது.

நீண்ட காலமாகவே அந்த மக்கள் அங்கு வசிப்பது அவர்களுக்கு தொந்தரவாக இருந்ததால் வீட்டை காலி செய்யும்படி மிரட்டல் விடுத்து வந்துள்ளனர். பணம் தருகிறேன் வீட்டை விற்றுவிட்டு வேறு எங்கேயாவது போங்கள் என்று சொல்லியும் கேட்காத பட்சத்தில் நேற்று சாலைக்கு நடந்து செல்லும் வழியை அடைத்து தொல்லைகள் கொடுத்துள்ளனர். இந்த நிலையில் நேற்று (06.11.2021) காலை 7 மணியளவில் அண்ணாமலை அவரது மகன்கள் வேலுமணி, வெங்கடேசன் ஆகிய 2 பேரும் சேர்ந்து பழங்குடியின ஜீவா என்ற பெண்ணின் வீட்டின் முன் இருந்த மரங்களை வெட்டி போட்டுள்ளனர்.

அந்த மரங்களை திருட்டுத்தனமாக வண்டியில் ஏற்றியும் சென்றுள்ளனர். தடுக்கச் சென்ற பெண்ணை அடித்து ” இருளசாதி பொம்பளைக்கு இவ்வளவு திமிரா? உங்களுக்கு வீடு ஒரு கேடா ? இன்னைக்கு ராத்திரிக்குள்ள வீட்ட விட்டு ஓடிடனும்… இல்லைனா புள்டோசர எடுத்துட்டு வந்து வீட்டை தரைமட்டம் ஆக்கிடுவோம் ” என்று மிரட்டி துரத்தியுள்ளனர். அண்ணாமலையின் இரண்டு மகன்கள் வேல்முருகன் மற்றும் வேலுமணியும் இராணுவத்தில் வேலை செய்கின்றனர்.

அந்த திமிரில் “நாங்க நாட்டு எல்லையையே பாதுகாக்கிறோம். எங்களுக்கே இடமில்லையா? உங்கள ஒதச்சாகூட கேட்க ஆளில்லை …எங்கள யாரும் எதுவும் செய்ய முடியாது” என சாதி திமிரில் பேசியுள்ளனர். பாதிக்கப்பட்ட பெண் கொடுத்த புகாரின் அடிப்படையில் நேற்று காவல்துறை சம்பவ இடத்திற்கு சென்று அவர்களை எச்சரித்து வந்தது.

அவ்வாறு எச்சரித்த பின்னும் இன்று காலை மீண்டும் சாதிவெறி பிடித்த வெங்கடேசன் அத்துமீறி வீட்டில் நுழைந்து கதவை உடைத்து பாத்திரங்களை வெளியே எடுத்து போட்டு “இருள சாதி நாய்களா… போலீஸ்ல சொல்றீங்களா”!” என்று சொல்லி மீண்டும் அந்த பழங்குடி பெண்ணை அடித்துள்ளார். இன்ஸ்பெக்டர் முன்னிலையிலும், வெங்கடேசன் “ஆமாம் அடித்தேன்… எங்களுக்கு இடம் வேண்டும் என்று திமிராக பேசினார். இந்நிலையில், பாதிக்கப்பட்ட இரு குடும்பத்தினரும் விடுதலை சிறுத்தைகள் கட்சி ரமேஷ் கண்ணா, மற்றும் காட்பாடி ஒன்றிய செயலாளர் பிரவீன் விடுதலை சிறுத்தைகள் கட்சிகள் பொறுப்பாளர்கள்

Contact Us