வயலில் இருந்த பெண்ணை துரத்திய ஆசாமி… எதுக்குனே தெரியாம ஓடிய பெண்

உளுந்தூர்பேட்டை அருகே வயலில் விவசாய வேலை செய்த பெண்ணை விரட்டிச் சென்ற மர்ம நபரை கிராம மக்கள் பிடித்து தர்ம அடி கொடுத்து காவல்துறையினரிடம் ஒப்படைத்த சம்பவம் பரபரப்பை ஏற்படுத்தி உள்ளது.

கள்ளக்குறிச்சி மாவட்டம் உளுந்தூர்பேட்டை அருகே உள்ள நெய்வனை கிராமத்தில் உள்ள விவசாய நிலங்களில் அந்த கிராமத்தைச் சேர்ந்த பெண்கள் கால்நடைகளை மேய்ச்சலுக்கு ஓட்டிச் சென்றனர்.

இந்த நிலையில், இன்று மதியத்திற்கு மேல் விட்டுவிட்டு மழை பெய்ததால் கால்நடைகளை அவிழ்த்துக் கொண்டு செல்லலாம் என்று நினைத்தபோது மர்ம நபர் ஒருவர் கால்நடைகளை மேய்த்துக் கொண்டிருந்த பெண் ஒருவரைப் பின் தொடர்ந்து வந்தார். தொடர்ந்து பயந்துபோன அந்த பெண் வேகமாக ஓட்டம் பிடித்த போது அந்த நபரும் அந்தப் பெண்ணை தொடர்ந்து வேகமாக ஓடி வந்தார்.

இதனைத் தொடர்ந்து அந்தப் பெண் கூச்சலிடவே அக்கம் பக்கத்தில் இருந்தவர்கள் அங்கு வந்து அந்த நபரை மடக்கிப் பிடித்து தாக்கினர். தொடர்ந்து இது தொடர்பாக உளுந்தூர்பேட்டை காவல் நிலையத்திற்கு தகவல் தெரிவித்தனர். அதன் பேரில் விரைந்து வந்த உளுந்தூர்பேட்டை போலீசார் அந்த நபரை உளுந்தூர்பேட்டை காவல் நிலையத்துக்கு அழைத்துச் சென்று விசாரித்தபோது அவர் எறையூர் கிராமத்தைச் சேர்ந்தவர் என்று தெரியவந்தது. எதற்காக அவர் பெண்ணை துரத்தி சென்றார் என்பது குறித்தும், அவருக்கு மனநிலை பிரச்சினையா என்பது போலீசார் விசாரித்து வருகின்றனர்.

 

Contact Us