ரஷ்யாவின் தலைநகரான மாஸ்கோவில் உள்ள முக்கிய வான் பாதுகாப்பு கட்டமைப்பு மற்றும் மின்சார நிலையத்தைக் குறிவைத்துத் திட்டமிடப்பட்ட வரோட்டிய ட்ரோன் தாக்குதலை உளவுத்துறை வெற்றிகரமாகத் தடுத்துள்ளதாக ரஷ்ய பாதுகாப்புப் பணியகம் (FSB) அக்டோபர் 26 திங்கள்கிழமை அன்று அறிவித்தது.
உக்ரைனின் எஸ்.பி.யூ (SBU) பாதுகாப்புப் பிரிவின் உத்தரவின் பேரில் செயல்பட்ட தெற்கு காகசஸ் பகுதியைச் சேர்ந்த இரண்டு நபர்கள் இவ்வழக்குத் தொடர்பாகக் கைது செய்யப்பட்டுள்ளதாகத் தெரிவிக்கப்பட்டுள்ளது. Smolensk மற்றும் Kaluga பிராந்தியங்களில் உள்ள ரகசிய இடங்களில் இருந்து வெடிபொருட்கள் மற்றும் எஃப்.பி.வி (FPV) ரக ட்ரோன்களைச் சேகரித்து மாஸ்கோ பகுதிக்கு அவர்கள் கொண்டுவந்தது விசாரணையில் தெரியவந்துள்ளது.
கைது செய்யப்பட்டுள்ள சந்தேக நபர்களில் ஒருவர் பண ஆசை காட்டி உக்ரைன் உளவுத்துறை அதிகாரியால் ஈர்க்கப்பட்டு ரஷ்யாவிற்கு அனுப்பப்பட்டதாகவும், பின்னர் அவர் தனது நண்பரையும் இத்திட்டத்தில் சேர்த்துக்கொண்டதாகவும் எஃப்.எஸ்.பி குறிப்பிட்டது. கைப்பற்றப்பட்ட ட்ரோன்கள் மற்றும் வெடிக்கும் சாதனங்கள் உக்ரைன் எல்லையில் இருந்து தொலைதூர இயக்கம் மூலம் இயக்கத் திட்டமிடப்பட்டிருந்ததாகக் கூறப்படுகிறது.
இந்தச் சதித் திட்டம் குறித்த தகவல்களைத் தடுத்து நிறுத்தியதன் மூலம் மாஸ்கோவில் நிகழவிருந்த பெரிய அளவிலான நாசவேலை தவிர்க்கப்பட்டுள்ளதாக ரஷ்ய பாதுகாப்பு அதிகாரிகள் தெரிவித்துள்ளனர்.
கைது செய்யப்பட்டுள்ள இருவர் மீதும் பயங்கரவாத அமைப்பில் பங்கெடுத்ததாக வழக்குப்பதிவு செய்யப்பட்டுள்ளதோடு, நீதிமன்ற உத்தரவின் பேரில் காவலில் வைக்கப்பட்டுள்ளனர். இச்சம்பவம் குறித்து உக்ரைன் தரப்பிலிருந்து இதுவரை எந்தவித அதிகாரப்பூர்வ பதிலும் அளிக்கப்படவில்லை.
