தமிழக அரசியல் வரலாற்றில் இன்று அரங்கேறியுள்ள காட்சிகள், கல்லையும் கனியவைக்கும் ஒரு காவியமாக மாறியுள்ளன. தேர்தலின் போது தன்னை மிகக் கடுமையாக விமர்சித்தவர்கள் என்று கூடப் பார்க்காமல், ஒரு மூத்த அரசியல் தலைவர் என்ற முறையில் மதிமுக பொதுச்செயலாளர் அண்ணன் வைகோ அவர்களை, முதலமைச்சர் விஜய் நேரில் சென்று அவரது இல்லத்திலேயே சந்தித்துள்ளார். பல தசாப்த கால அரசியல் போராட்டங்களைக் கண்ட வைகோ அவர்கள், முதல்வர் விஜய்யை கண்டவுடன் ஓடி வந்து ஒரு குழந்தையை அணைப்பது போலக் கட்டியணைத்துக் கொண்டார். அப்போது வைகோவின் கண்களில் வழிந்த கண்ணீர் துளிகள், விஜய்யின் பண்பட்ட அரசியலுக்குக் கிடைத்த மிகப்பெரிய அங்கீகாரமாகப் பார்க்கப்படுகிறது.
முதலமைச்சர் விஜய் அவர்கள், வைகோவிற்குப் பொன்னாடை போர்த்தி மரியாதை செய்த தருணம், அங்கிருந்தவர்களை மெய்சிலிர்க்க வைத்தது. சந்திப்பு முடிந்து வெளியே வந்த போது, விஜய்யின் கைகளைப் பற்றிக்கொண்ட வைகோ, தனது தம்பியைப் போலக் கருதி கார் வரை வந்து வழியனுப்பினார். ஒரு கட்டத்தில், முதலமைச்சரின் கார் கதவை வைகோவே திறக்க முற்பட, பதறிப்போன விஜய், “வேண்டாம் அண்ணே…” என்று அவரது கைகளைப் பிடித்துத் தடுத்தார். இறுதியில் விஜய்யின் பாதுகாவலர் கதவைத் திறக்க, கார் மறையும் வரை வைகோ அங்கேயே நின்று வழியனுப்பியது, தமிழகம் இதுவரை கண்டிராத ஒரு உன்னதமான அரசியல் நாகரிகம்!
“விஜய் அண்ணா… உங்களை இழிவாகப் பேசியவர்களை ஏன் சென்று பார்க்கிறீர்கள்?” என்று த.வெ.க தொண்டர்களும், இளைஞர்களும் சமூக வலைதளங்களில் கேள்வி எழுப்பி வந்தனர். ஆனால், “பதவி வரும்போது பணிவு வர வேண்டும்” என்ற தத்துவத்திற்கு ஏற்ப, ஒரு உண்மையான தலைவன் என்பவன் பழிவாங்கும் அரசியலைத் தவிர்த்து, பண்பட்ட அரசியலை முன்னெடுக்க வேண்டும் என்பதை விஜய் தனது செயலால் நிரூபித்துள்ளார். இன்றைய இளைஞர்களுக்கு வைகோ போன்ற மூத்த தலைவர்களின் தியாகத்தையும், ஆளுமையையும் புரிய வைத்த பெருமை முதலமைச்சர் விஜய்யையே சாரும்.
இன்று தமிழகத்தின் அனைத்து எதிர்க்கட்சிகளும், “அரசியல் நாகரிகத்தை விஜய்யைப் பார்த்துத் தெரிந்துகொள்ளுங்கள்” என்று பேசும் அளவிற்கு ஒரு உயர்ந்த நிலையை அவர் எட்டியுள்ளார். அண்ணன் வைகோ அவர்களின் முகம் இன்று ஒரு பேரானந்தத்தில் திளைத்திருப்பதைக் கண்ட அவரது தொண்டர்கள் நெகிழ்ச்சியில் உள்ளனர். தனது ஒரு செயலின் மூலம் பகைவர்களையும் நண்பர்களாக்கும் இந்த “விஜய் மேஜிக்”, தமிழக அரசியலை ஒரு பொற்காலத்தை நோக்கி அழைத்துச் செல்கிறது என்பதில் எள்ளளவும் ஐயமில்லை.
